સુરતની બીઆરટીએસ બસની છતમાંથી ટપકતું પાણી,
મુસાફરો છત્રી સાથે મુસાફરી કરવા મજબૂર
બીઆરટીએસ બસનો વિડીયો વાયરલ
સુરત મહાનગર પાલિકાની સીટી બસની છતમાંથી ટપકતા પાણી વચ્ચે મુસાફરો છત્રી સાથે મુસાફરી કરવા મજબૂર બન્યા હોવાનો વિડીયો વાયરલ થઈ રહ્યો છે.
સુરત મહાનગરપાલિકા દ્વારા પ્રિ મોન્સૂન કામગીરીના નામે દાવાઓ કરવામાં આવ્યાં હતાં. તેમ છતાં રોડ પર પાણી ઠેર ઠેર ભરાયા છે. ત્યારે સુરત મહાનગરપાલિકા સંચાલિત બીઆરટીએસ બસની અંદર વરસાદી પાણી પડતું હોવાનો વીડિયો સામે આવ્યો છે. જેમાં બીઆરટીએસ બસનો હોવાનું જાણવા મળ્યું છે. ભારે વરસાદના કારણે બસની અંદર પાણી ટપકતા મુસાફરોને બસની અંદર જ છત્રી ખોલીને મુસાફરી કરી રહ્યાનું દેખાય રહ્યું છે. ચાલુ બસે મુસાફરો વરસાદી પાણીમાં ભીંજાઈ રહ્યા છે. કેટલાક મુસાફરોએ તો પોતાની છત્રી ખોલીને પાણીથી બચવાનો પ્રયાસ કર્યો હતો. આ ઘટના સુરત મ્યુનિસિપલ કોર્પોરેશન ના તંત્ર સામે એક લાલબત્તી સમાન છે.