સુરતમાં આશાદીપ વિદ્યાલયમાં કોમર્સનું રેકોર્ડ તોડતું પરિણામ

સુરતમાં આશાદીપ વિદ્યાલયમાં કોમર્સનું રેકોર્ડ તોડતું પરિણામ
આજે ગુજરાત બોર્ડ દ્રારા ધો-12 સાયન્સનું 84.33 %
સામાન્ય પ્રવાહનું 92.71 % રિઝલ્ટ જાહેર થયું

આજે ગુજરાત બોર્ડ દ્રારા ધો-12 સાયન્સનું 84.33% અને સામાન્ય પ્રવાહનું 92.71% રિઝલ્ટ જાહેર થયું હતું. જેમાં સુરતમાં આશાદીપ વિદ્યાલયમાં કોમર્સની વિદ્યાર્થિનીએ રેકોર્ડ તોડતા ખુશીનો માહોલ જોવા મળ્યો છે.

વર્ષ 2026 ની ગુજરાત બોર્ડની પરીક્ષામાં ધોરણ 12 સાયન્સના 1,19,263 અને સામાન્ય પ્રવાહના 5,01,286 એમ કુલ 6.20 લાખ પરીક્ષાર્થી હતા. માધ્યમિક શિક્ષણ બોર્ડ દ્વારા લેવાયેલી આ પરીક્ષા રાજ્યના કુલ 156 કેન્દ્રો પર યોજાઈ હતી. ધોરણ 12 સાથે ગુજકેટનું રિઝલ્ટ પણ જાહેર કરાયું હતું. આશાદીપ વિદ્યાલયમાં કોમર્સની વિદ્યાર્થિનીએ રેકોર્ડ તોડતા ખુશીનો માહોલ જોવા મળ્યો છે. બોર્ડની પરીક્ષામાં રેકોર્ડ તૂટતાં શાળાના સંચાલક મહેશ રામાણીએ શું કહ્યું સાંભળો.

આજે જાહેર થયેલા ગુજરાત બોર્ડના ધોરણ 12 ના પરિણામમાં 1 લાખ 32 હજાર પૈકી 99 પર્સેન્ટાઈલ સાથે 1459 વિદ્યાર્થીઓ પાસ થયા હતા. A ગ્રુપમાં 695 વિદ્યાર્થી, B ગ્રુપમાં 764 વિદ્યાર્થી અને 98 પર્સેન્ટાઈલ સાથે A ગ્રુપના કુલ 1233 અને B ગ્રુપમાં 1563 વિદ્યાર્થી પાસ થયા હતા. આ રિઝલ્ટમાં વિદ્યાર્થિનીઓએ બાજી મારી છે. 12 સાયન્સમાં 84.65% વિદ્યાર્થિની પાસ થઈ છે. તો 12 સામાન્ય પ્રવાહમાં 95.41% વિદ્યાર્થિની પાસ થઈ છે. જ્યારે વિદ્યાર્થીઓ અનુક્રમે 84.04% અને 90.10% પાસ થયા છે. 12 સાયન્સમાં સૌથી વધુ વિદ્યાર્થીઓ ફિઝિકસમાં ફેલ થયા છે તથા સામાન્ય પ્રવાહમાં આંકડાશાસ્ત્રમાં સૌથી વધુ સ્ટુડન્ટ ફેલ થયા છે.