સુરત : ધો-7ની વિદ્યાર્થિનીનું કમકમાટીભર્યું મોત
ઉમરા-વેલંજા રોડ પર ટ્રકે બાઈકને અડફેટે લેતા એકનું મોત
બે ઇજાગ્રસ્ત, લોકોએ ચક્કાજામ કર્યો, અઢી કલાકે પણ સ્થિતિ બેકાબૂ
સુરતના વેલંજા ઉમરા વિસ્તારને જોડતા રોડ પર બેફામ ટ્રક ચાલકે અડફેટે લેતા એક આશાસ્પદ ધોરણ 7ની વિદ્યાર્થિનીનુ મોત નિપજ્યુ હતુ જ્યારે બેને ઈજાઓ થતા હોસ્પિટલે ખસેડાયા હતાં. તો લોકોએ સ્થળે દોડી જઈ વિરોધ નોંધાવી જક્કાજામ કર્યો હતો.
સુરતના ઉમરા અને વેલંજા વિસ્તારને જોડતા માર્ગ પર આજે 8 ઓક્ટોબર બુધવારના રોજ એક ગમખ્વાર માર્ગ અકસ્માત થયો હતો. પુરપાટ ઝડપે દોડતા ટ્રક ચાલકે બાઇકને અડફેટે લીધી હતી. જેમાં એક ધોરણ-7ની વિદ્યાર્થિનીનું ઘટના સ્થળે જ કમકમાટીભર્યું મોત નીપજ્યું છે. અકસ્માતના પગલે લોકોમાં રોષ ફાટી નીકળતા રોડ પર ચક્કાજામ કરી દીધો હતો. ઘટનાની જાણ થતા ઉત્રાણ પોલીસ સ્ટેશનના પીઆઇ સહિતનો કાફલો ઘટનાસ્થળે દોડી ગયો હતો. અને માંડ માંડ પોલીસે મામલાને થાળે પાડ્યો હતો.