સુરતમાં ફોર વ્હીલ કારની ચોરી કરતી આંતરરાજ્ય ગેંગ
13 ગુનામાં સંડોવાયેલા રીઢા આરોપીને ક્રાઈમ બ્રાન્ચે ઝડપ્યો
યુપીવાસી ઇમરાન ખાન કુરેશીને ઝડપી પાડ્યો
ફોર વ્હીલ કારની ચોરી કરતી આંતરરાજ્ય ગેંગના 13 ગુનામાં સંડોવાયેલા રીઢા આરોપીને સુરત ક્રાઈમ બ્રાન્ચની ટીમે વલસાડના કિલ્લા પારડી ખાતેથી ઝડપી પાડ્યો હતો.
સુરત પોલીસ કમિશનર અનુપમસિંહ ગહેલોત દ્વારા શહેરમાં વધી રહેલી વાહન ચોરીની ઘટનાઓને અટકાવવા માટે આપેલા આદેશને લઈ અધિક પોલીસ કમિશનર ક્રાઇમની સૂચના ને લઈ નાયબ પોલીસ કમિશનર ક્રાઇમ, મદદનીશ પોલીસ કમિશનર ક્રાઈમના માર્ગદર્શન હેઠળ ક્રાઈમ બ્રાન્ચની વિવિધ ટીમો પેટ્રોલિંગમાં હતી ત્યારે બાતમીના આધારે વલસાડના કિલ્લા પારડી ખાતેથી કાર ચોરી કરતી આંતરરાજ્ય ગેંગ ન 13 ગુનાઓમાં સંડોવાયેલા રીઢા આરોપી યુપીવાસી ઇમરાન ખાન કુરેશીને ઝડપી પાડી સળિયા પાછળ ધકેલી દીધો હતો. તો રીઢો વર્ષ 2022 થી 13 જેટલી ચોરીના ગુનામાં સંડોવાયેલા હોવાની કબૂલાત કરી હતી.