સચિન પોલીસે ગાંજાનો જથ્થો ઝડપી પાડ્યો
ગાંજાના જથ્થા સાથે બે રીઢા આરોપીઓ ઝડપાયા
પોલીસે ૪૫ હજારનો મુદ્દામાલ કબજે લઈ તપાસ હાથ ધરી
સુરતના સચિન જીઆઈડીસી પોલીસે સરદાર નગર સોસાયટી માંથી ત્રણ કિલોથી વધુના ગાંજા સાથે બે રીઢા આરોપીઓને ઝડપી પાડ્યા છે. પોલીસે ૪૫ હજારનો મુદ્દામાલ કબજે લઈ વધુ તપાસ હાથ ધરી છે.
આ અંગે સચિન જીઆઇડીસી પોલીસ પાસેથી મળતી માહિતી પ્રમાણે , સચિન જીઆઈડીસી પોલીસની ટીમને બાતમી મળી હતી કે, સરદાર નગર સોસાયટીમાં બે ઈસમો ગાંજા નું વેચાણ કરે છે ત્યારે પોલીસે તપાસ હાથ ધરતા બે રીઢા આરોપીઓ પાસેથી 3.515 kg ગાંજો મળી આવ્યો હતો. જેની કિંમત 35,000 થી વધુ છે. પોલીસે સુમંત કૈલાસ પ્રસાદ વિદ્યાલાલ સિંહા અને મહમદ અસલમ મોહમ્મદ હનીફ ચૌધરીની ધરપકડ કરી છે. પકડાયેલ બન્ને આરોપીઓ રીઢા ગુનેગાર છે. આરોપી સુમંત કૈલાસ પ્રસાદ વિદ્યાલાલ સિંહા વિરુદ્ધ સુરતના સચિન જીઆઇડીસી પોલીસ મથકમાં 9 જેટલા ગુનાઓ નોંધાયેલા છે જ્યારે મોહમ્મદ ચૌધરી વિરુદ્ધ સચિન જીઆઇડીસી પોલીસ મથકમાં એક ગુનો નોંધાયેલો છે. પકડાયેલા આરોપીઓ આ ગાંજાનો જથ્થો ક્યાંથી લાવ્યા હતા અને કોને આપવાના હતા તે દિશામાં સચિન જીઆઈડીસી પોલીસે તપાસ હાથ ધરી છે.