સુરત મનપાની ગેરકાયદે ડાઇંગ એકમો સામે કાર્યવાહી
કતારગામ ઝોનમાં વધુ 25 ડાઇંગ એકમો કરાયા સીલ
કેમિકલયુક્ત પાણી ડ્રેનેજમાં છોડવાની ફરિયાદ બાદ કાર્યવાહી
સુરતમાં ગેરકાયદે તપેલા ડાઇંગ એકમો સામે મનપાએ લાલ આંખ કરી હોય તેમ કતારગામ ઝોનમાં કેમિકલયુક્ત પાણી ડ્રેનેજમાં છોડવાની ફરિયાદને પગલે વધુ 25 એકમોને સીલ કરવામાં આવ્યા હતાં.
સુરત મહાનગરપાલિકા હવે તપેલા ડાઇંગ એકમો સામે એક્શન મોડમાં આવી હોય તેમ કતારગામ ઝોનમાં કેમિકલયુક્ત પાણી સીધું ડ્રેનેજમાં છોડવામાં આવતું હોવાની ફરિયાદો ઉઠી હતી. જેને પગલે મનપા દ્વારા તપાસ અને કાર્યવાહી હાથ ધરવામાં આવી છે. આ કાર્યવાહીમાં વધુ 25 એકમોને સીલ મારવામાં આવ્યા છે. અત્યાર સુધી કુલ 135 એકમો સામે સીલિંગની કાર્યવાહી કરવામાં આવી છે. તમામ એકમોને કલમ 268 મુજબ નોટિસ પાઠવી મિલો બંધ કરવાની સૂચના આપવામાં આવી છે.