સુરતના અડાજણ વિસ્તારમાં કિશોરી અચાનક ગુમ
બંગલામાં ત્રણ મહિનાથી કામ કરતી 15 વર્ષિય કિશોરી અચાનક ગુમ
અડાજણ પોલીસે ગુમ થયાની ફરિયાદ નોંધી
સુરતના અડાજણ વિસ્તારમાં રહેતી અને એક બંગલામાં ત્રણ મહિનાથી કામ કરતી 15 વર્ષિય કિશોરી અચાનક ગુમ થતા પરિવારમાં ચિંતા વ્યાપી ગઈ છે તો બનાવને લઈ પોલીસને જાણ કરાતા પોલીસે તપાસ તેજ કરી છે.
સુરતના અડાજણ વિસ્તારમાંથી 15 વર્ષની કિશોરી રહસ્યમય સંજોગોમાં ગુમ થતાં પરિવાર ભારે ચિંતામાં મુકાયો છે. અડાજણની લક્ષ્મીનારાયણ સોસાયટીમાં આવેલા એક બંગલામાં છેલ્લા ત્રણ મહિનાથી કામ કરીને પરિવારનું ગુજરાન ચલાવતી દીપાલી નિકુમ શુક્રવારે બપોરે અચાનક લાપતા થઈ ગઈ હતી. પરિવારજનોએ દીકરી સાથે કોઈ અઘટિત ઘટના બની હોવાની આશંકા વ્યક્ત કરી છે. હાલ તો સમગ્ર મામલે અડાજણ પોલીસે ગુમ થયાની ફરિયાદ નોંધી કિશોરીની શોધખોળ સાથે વધુ તપાસ શરૂ કરી છે.