સુરતમાં અસામાજિક તત્વોનો આતંક યથાવત
અડાજણમાં બાઈક ચાલાક યુવકને માર મારવામાં આવ્યો
બાઈક ઓવરટેક કરવા જેવી બાબતે યુવકને માર્યો ઢોર માર
મારામારીની સમગ્ર ઘટના સીસીટીમાં કેદ થઈ
સુરતમાં અસામાજિક તત્વો ફાટીને ધુમાડે ગયા હોય તેમ રોજે કાયદો અને વ્યવસ્થાની સ્થિતિ પર તરાપ મારી રહ્યા છે. ત્યારે અડાજણ વિસ્તારમાં બાઈક ચાલકને ઓવર ટેક કરવા જેવી બાબતે અસામાજિક તત્વોએ માર માર્યો હતો જે ઘટના સીસીટીવીમાં પણ કેદ થઈ હતી.
સુરતમાં કાયદો અને વ્યવસ્થાની સ્થિતિ પર અસામાજિક તત્વો સીધો પ્રહાર કરી રહ્યા હોય તેમ લાગી રહ્યુ છે. કારણ કે સુરતમાં ઘણા સમયથી સામાજિક તત્વો ફાટીને ધુમાડે ગયા છે ત્યારે સુરતના અડાજણ વિસ્તારમાં બાઈક ચાલાક યુવકને માર મારવામાં આવ્યો હતો. બાઈક ઓવર ટેક કરવા જેવી બાબતે યુવાન પર હુમલો કરવામાં આવ્યો હતો. ત્રણ જેટલા અસામાજિક તત્વોએ યુવાનને ઢોર માર માર્યો હતો. જેથી યુવાનની એક બાજુની આંખ ફૂટી ગઈ હતી. તો મારામારીની સમગ્ર ઘટના સીસીટીમાં કેદ થઈ હતી. હાલ તો યુવાને પોલીસ ફરિયાદ નોંધાવતા વધુ તપાસ પોલીસે હાથ ધરી છે.