સુરતમાં આરોગ્ય વિભાગે મોટી કાર્યવાહી હાથ ધરી

સુરતમાં આરોગ્ય વિભાગે મોટી કાર્યવાહી હાથ ધરી
ગુજરાતમાં એનાલોગ પનીરના વેચાણ પર પ્રતિબંધ
ગોડાઉન પર રેડ કરીને એનાલોગ પનીરનો જથ્થો સીઝ

ગુજરાતમાં એનાલોગ પનીરના વેચાણ પર પ્રતિબંધ બાદ સુરતમાં આરોગ્ય વિભાગે મોટી કાર્યવાહી હાથ ધરી હોય તેમ ઘોડદોડ વિસ્તારમાં આવેલા ગોડાઉન પર રેડ કરીને એનાલોગ પનીરનો જથ્થો સીઝ કરવામાં આવ્યો હતો.

ગુજરાતમાં એનાલોગ પનીરના વેચાણ પર પ્રતિબંધ લાગુ થયા બાદ સુરત આરોગ્ય વિભાગે કડક કાર્યવાહી શરૂ કરી છે. સુરતના ઘોડદોડ વિસ્તારમાં આવેલા એક ગોડાઉન પર આરોગ્ય વિભાગની ટીમે દરોડા પાડ્યા હતાં. જ્યાં પનીરનું ઉત્પાદન અને સંગ્રહ કરવામાં આવતો હતો ત્યાં તપાસ દરમિયાન એનાલોગ પનીરનો જથ્થો મળી આવતા તેને સીઝ કરવામાં આવ્યો હતો. હવે ગુજરાત સહિત સુરતમાં પણ એનાલોગ પનીરનું વેચાણ કરી શકાશે નહીં. આરોગ્ય વિભાગ દ્વારા નિયમોના પાલન માટે સતત ચેકિંગ અને કાર્યવાહી ચાલુ રાખવામાં આવશે તેવી માહિતી સામે આવી રહી છે.