સુરતના ઘોડદોડ રોડ પરની દુકાનમાં અચાનક આગ
વેસ્ટફિલ્ડ શોપિંગ કોમ્પ્લેક્સમાં કાપડ મટીરિયલની દુકાનમાં આગ
આગની ઘટનામાં મોટા નુકસાનનો અંદાજ
સુરતના ઘોડદોડ રોડ પર આવેલા વેસ્ટફિલ્ડ શોપિંગ કોમ્પ્લેક્સમાં કાપડ મટીરિયલની દુકાનમાં અચાનક આગ લાગતા અફરાતફરી મચી ગઈ હતી.
સુરતના ઘોડદોડ રોડ પર આવેલ વેસ્ટફિલ્ડ શોપિંગ કોમ્પ્લેક્સની ગ્રાઉન્ડ ફ્લોર પર આવેલી કાપડ મટીરિયલની દુકાનમાં ભીષણ આગ ફાટી નીકળી હતી. દુકાનના એસીમાં બ્લાસ્ટ થતાં પ્રચંડ અવાજ સંભળાયો અને આસપાસના વેપારીઓમાં અફરાતફરી સર્જાઈ હતી. વેપારીઓ કાપડનો માલ બચાવવા દોડધામ કરતા જોવા મળ્યા હતા. જાણ થતાં મજુરા ફાયર સ્ટેશનની ટીમ તાત્કાલિક ઘટના સ્થળે પહોંચી હતી અને આગ પર કાબૂ મેળવ્યો હતો. આગ અન્ય દુકાનો સુધી પહોંચે તે પહેલાં ફાયર ટીમે આગને કાબૂમાં લેતા સૌ એ રાહતનો શ્વાસ લીધો હતો. હાલ આગની ઘટનામાં મોટા નુકસાનનો અંદાજ લગાવવામાં આવી રહ્યો છે.