ઓલપાડનાં લવાછાનીવિદ્યાલય ખાતે રમતોત્સવ
દિયાણા કેન્દ્ર સંલગ્ન પ્રાથમિક શાળાઓનો શિયાળુ રમતોત્સવ
શિક્ષણ અને સંસ્કારની સાથે વિદ્યાર્થીઓ રમતગમત ક્ષેત્રે પણ પોતાનું કૌશલ્ય કેળવે એવાં શુભ હેતુસર ક્લસ્ટર રિસોર્સ સેન્ટર, કુદિયાણા દ્વારા શિયાળુ રમતોત્સવ લવાછા સ્થિત શ્રી ઝેડ.એમ.પટેલ વિદ્યાલય ખાતે યોજવામાં આવ્યો હતો. જેમાં કુદિયાણા કેન્દ્ર સંલગ્ન પ્રાથમિક શાળાઓ તથા યજમાન શાળાનાં ધોરણ ૯ થી ૧૨ નાં વિદ્યાર્થીઓએ ખૂબજ ઉત્સાહભેર ભાગ લીધો હતો.
કુદિયાણા દ્વારા શિયાળુ રમતોત્સવ લવાછા સ્થિત શ્રી ઝેડ.એમ.પટેલ વિદ્યાલય ખાતે યોજવામાં આવ્યો, ઝેડ.એમ.પટેલ વિદ્યાલયનાં આચાર્ય પંકજ પટેલે સૌને શબ્દગુચ્છ દ્વારા આવકાર્યા હતાં. પ્રારંભે ઓલપાડ તાલુકા પ્રાથમિક શિક્ષક સંઘનાં પ્રમુખ બળદેવભાઈ પટેલે સૌ રમતવીરોને સ્પર્ધાનાં નિયમોથી વાકેફ કરી જરૂરી માર્ગદર્શન સાથે શુભેચ્છા પાઠવી હતી. આ પ્રસંગે તેમણે જણાવ્યું હતું કે જીવનમાં શારિરીક અને માનસિક તદુંરસ્તી જરૂરી નહિ પરંતુ અનિવાર્ય છે ત્યારે આવા રમતોત્સવ વિદ્યાર્થીઓમાં પર્યાપ્ત ઉર્જા પ્રદાન કરે છે. સદર રમતોત્સવમાં ૧૦૦ મીટર દોડ, ભૂખ્યા પંખી, ત્રિપગી દોડ, કોથળા દોડ, રીંગણ દોડ, સિક્કા શોધ, સ્લો સાયકલિંગ, સંગીતખુરશી, લીંબુ ચમચી જેવી વિવિધ વ્યક્તિગત રમતો ઉપરાંત કબડ્ડી તથા ખોખો જેવી સાંઘિક રમતો યોજવામાં આવી હતી.એક થી ત્રણ ક્રમે વિજેતા સ્પર્ધકોને ઉપસ્થિત મહાનુભાવોનાં હસ્તે પ્રોત્સાહક ઇનામો વિતરણ કરવામાં આવ્યા હતાં….