સુરતમાં ટ્રાફિક પોલીસ અને આરટીઓ દ્વારા ઝુંબેશ

સુરતમાં ટ્રાફિક પોલીસ અને આરટીઓ દ્વારા ઝુંબેશ
એલઈડી લાઈટ લગાવી ફરતા વાહન ચાલકો સામે ઝુંબેશ
સફેદ એલઈડી લાઈટ લગાવેલ 60 વાહન ચાલકો સામે કાર્યવાહી કરાઈ

સુરતમાં ટ્રાફિક પોલીસ અને આરટીઓ દ્વારા સફેદ એલઈડી લાઈટ લગાવી ફરતા વાહન ચાલકો સામે ઝુંબેશ હાથ ધરાઈ છે ત્યારે સફેદ એલઈડી લાઈટ લગાવેલ 60 વાહન ચાલકો સામે કાર્યવાહી કરાઈ હતી.

છેલ્લા ઘણા સમયથી વાહનોમાં અન અધિકૃત રીતે લગાડેલ સફેદ એલઈડી લાઈટના કારણે સામેથી આવતા વાહન ચાલકો અંજાઈ જવાથી માર્ગ અકસ્માત થતા હોય છે. જે માર્ગ અકસ્માતમાં ઘટાડો આવે તે માટે પોલીસ કમિશનર અનુપમસિંહ ગહલૌતના માર્ગદર્શન હેઠળ નાયબ પોલીસ કમિશ્નર ટ્રાફિક પન્ના મોમાયા, ટ્રાફિક રીજીયન 2 એસીપી વી.પી. ગામીત તથા પીઆઈ પીજે સોલંકી તેમજ આરટીઓ ના અધિકારીઓ સાથે સંકલનમાં રહી માનદરવાજા ખાતે અન અધિકૃત રીતે સફેદ એલઈડી લાઈટ લાગાવેલ વાહનોના ચેકીંગ ની કામગીરી હાથ ધરી હતી. તો વાહન ચેકીંગ દરમ્યાન વાહનોમાં અન અધિકૃત રીતે સફેદ એલઈડી  લાઈટ લગાવેલ 60 જેટલા વાહન ચાલકો મળી આવતા તેઓ વિરુદ્ધ કાયદેસર કાર્યવાહી વાહન ચાલકોને સફેદ એલઈડી લાઈટ નહી લગાવવા સમજ અપાઈ હતી.