સુરતમાં આગના બનાવોમાં સતત વધારો
બાપ્સ હોસ્પિટલ પાસે એક ઈવી બાઈકના શો રૂમમાં આગ
15 થી વધુ ઇલેક્ટ્રિક વાહનો આગની ઝપેટમાં આવી
સુરતમાં આગના બનાવોમાં સતત વધારો જોવા મળી રહ્યો છે ત્યારે અડાજણ ગામ ખાતે આવેલ બાપ્સ હોસ્પિટલ પાસે એક ઈવી બાઈકના શો રૂમમાં આગ લાગતા અફરા તફરી મચી ગઈ હતી.
સુરતમાં ફરી ભીષણ આગની ઘટના સામે આવી હતી. વાત એમ છે કે સુરતના અડાજણ ગામ વિસ્તારમાં બીએપીએસ હોસ્પિટલ નજીક આવેલા એક ઈવી બાઈકના શોરૂમમાં અચાનક ભીષણ આગ લાગવાની ઘટના સામે આવી છે. આગ એટલી વિકરાળ હતી કે થોડા જ સમયમાં શોરૂમમાં ઉભેલા 15 થી વધુ ઇલેક્ટ્રિક વાહનો આગની ઝપેટમાં આવી ગયા હતાં. આગ લાગતાં જ સમગ્ર વિસ્તારમાં અફરાતફરીનો માહોલ સર્જાયો હતો અને ધુમાડાના ગોટેગોટા દૂર સુધી જોવા મળ્યા હતા. ઘટનાની જાણ થતાં ફાયર બ્રિગેડની ટીમ તાત્કાલિક સ્થળ પર પહોંચી આગ પર કાબૂ મેળવવાની કામગીરી હાથ ધરી હતી. તો પ્રાથમિક માહિતી મુજબ આગનું ચોક્કસ કારણ હજુ સુધી સામે આવ્યું નથી. જો કે સદનસીબે આગની ઘટનામાં કોઈ જાનહાનિ થયાની માહિતી નથી. હાલ ફાયર વિભાગ અને સંબંધિત અધિકારીઓ દ્વારા વધુ તપાસ હાથ ધરાઈ છે.