કાંકરેજમાં ડીજે ને કરેલા નિવેદનને ખુલાસો.
વાયરલ વીડિયોને લઈને ભૂવાજીની સ્પષ્ટતા.
લગ્નમાં ડીજેન વાગે પણ રમેલ-ભજનમાં ડીજે વાગે
બંધારણના નિયમો ગેનીબેને તોડ્યા છે
ઠાકોર સમાજમાં લગ્નપ્રસંગોમાં ડીજે પર પ્રતિબંધનો વિવાદ વધુ વકરી રહ્યો છે. સાંસદ ગેનીબેન ઠાકોરના આ નિયમનો વિરોધ ભુવાજી, ડીજે સંચાલકો અને કલાકારો કરી રહ્યા છે. તાજેતરમાં એક ભુવાએ ગેનીબેનને જાહેરમાં પડકાર ફેંક્યો છે, જ્યારે વિક્રમ અને ગબ્બર ઠાકોર જેવા કલાકારો અગાઉ ગેનીબેનનો વિરોધ કરી ચુક્યા છે.
ઠાકોર સમાજના નવા બનાવાયેલા બંધારણમાં લગ્નપ્રસંગમાં DJ બંધ રાખવાનો વિવાદ દિવસે દિવસે વધી રહ્યો છે. પહેલા ડીજે સંચાલકોએ ગેનીબેનની સામે વિરોધ નોંધાવ્યો અને આર્થિક નુકસાન થતુ હોવાનું જણાવ્યુ. તેમના સમર્થનમાં અભિનેતા વિક્રમ ઠાકોર આવ્યા અને ડીજેના પ્રતિબંધને ગેરવ્યાજબી ઠેરવ્યો. હવે કોઈ ભુવાજી એ સાંસદ ગેનીબેનને પડકાર ફેંક્યો છે. ભુવાજીએ ધૂણતા-ધૂણતા ગેનીબેન ઠાકોરને પડકાર્યા. તેમણે કહ્યુ કે DJ બંધ રાખુ તો દેહમાં જોગણી ન આવે. વીડિયો શુંટીંગવાળા વીડિયો પણ બંધ નહીં કરે. ભલે ગેનબેને કહ્યુ હોય પણ બધાના ધંધા છે. ચૈત્ર મહિનાની બીજ અને વૈશાખ મહિનાની ત્રીજ આવે જ છે, એમા DJ ન વાગે તો હું માતા ન કહેવાઉ. વધુમાં ભુવાજીએ કહ્યુ ગેનીબેનને જવાબ આપવાની મારી તાકાત છે. મારી તાકાતથી બધાની બોલતી બંધ કરી દઈશે.
હાલ તો ભુવાજીનો આ વીડિયો સોશિયલ મીડિયામાં વાયરલ થઈ રહ્યો છે. આ વીડિયો કાંકરેજ તાલુકાનો અને ટીનાજી ઠાકોર નામના વ્યક્તિનો હોવાનું સામે આવ્યુ છે. આ સાથે ભુવાજીએ ગેનીબેન સામે એવો પણ આક્ષેપ કર્યો કે ગેનીબેન સાત ભોજન જમીન આવે છે અને ઠાકોરોના છોકરા લુખ્ખુ જમી રહ્યા છે. તેમણે કહ્યુ જેમને ફોન કરવો હોય એ કરી દે… પણ ગેનીબેનને જવાબ આપવાની મારી તાકાત છે, આ વિવાદ વકર્યા બાદ ભુવા ટીનાજીએ સ્પષ્ટતા કરી “રતનપરા ગામે રમેલ હતી, તેમાં DJ, સાઉન્ડ વિશે માતાજી બોલ્યા છે. DJ વાગશે પરંતુ, રમેલ અને ભજનમાં વાગશે. લગ્ન પ્રસંગમાં DJ બંધ રહેશે, બંધારણ તોડવાની કોઈ વાત નથી. આ સાથે તેમણે આક્ષેપ કર્યો કે બંધારણના નિયમો તો ખુદ ગેનીબેન ઠાકોરે તોડ્યા છે હારીજમાં VIP લગ્નોમાં જઈ ગેનીબેને બંધારણ તોડ્યું છે.
ઠાકોર સમાજના નવા બંધારણમાં સર્વાનમતે લગ્નપ્રસંગોમાં DJ વગાડવા પર પ્રતિબંધ મુકવાનો ઠરાવ પસાર કરવામાં આવ્યો છે. તાજેતરમાં જ છાબડીયામાં આયોજિત લગ્ન પ્રસંગે DJમાં અર્જુન ઠાકોરે ગીતો ગાતા ઠાકોર સમાજ નારાજ થયો છે. સોશિયલ મીડિયા પર અર્જુન ઠાકોર અને ગબ્બર ઠાકોર સામે આક્રોશ ઠાલવ્યો છે, ડીજે પ્રતિબંધનો ભંગ કરવા બદલ ગબ્બર ઠાકોર અને તેના કાકા લહેરાજી ઠાકોરને એક વર્ષ માટે સમાજ બહાર મૂકવામાં આવ્યા હતા.આ નિર્ણય સામે હવે ગબ્બર ઠાકોર અને તેમનો પરિવાર મેદાને ઉતર્યો છે. જાબડીયા ગામમાં યોજાયેલી બેઠકમાં તેમણે ન્યાયની માંગ ઉઠાવી હતી….કૌશિક પટેલનો રિપોર્ટ હિન્દ ટીવી