સુરતના ગોડાદરામાં અસામાજિક તત્વોનો આતંક
મોડી રાત્રે કારમાં તોડફોડ કરનારાઓ સીસીટીવીમાં કેદ
ઈસમ પથ્થર વડે કાર પર ઘા કરતા જોવા મળ્યો
સુરતના ગોડાદરા વિસ્તારમાં અસામાજિક તત્વોનો આતંક સામે આવ્યો હતો. મોડી રાત્રે કારમાં તોડફોડ કરનારાઓ સીસીટીવીમાં કેદ થયા હતાં.
સુરતના ગોડાદરા વિસ્તારનો વીડિયો વાયરલ થયો છે જેમાં મોડી રાત્રે પાર્ક ફોર વ્હીલમાં તોડફોડ કરાઈ હતી. અજાણ્યા બે ઈસમો દ્વારા કારમાં કરાયેલી તોડફોડની સમગ્ર ઘટના સીસીટીવીમાં કેદ થઈ છે. જેમાં એક ઇસમના હાથમાં લાકડાનો ફટકો જોવા મળ્યો હતો જ્યારે અન્ય એક ઈસમ પથ્થર વડે કાર પર ઘા કરતા જોવા મળ્યો હતો. હાલ તો વિડિયો સોશિયલ મીડિયા પર વાયરલ થતાં પોલીસ માટે તપાસનો વિષય બન્યો છે.