ગુજરાતના દરિયામાંથી 1800 કરોડનું ડ્રગ્સ ઝડપાયું
કોંગ્રેસ પ્રવક્તાએ પ્રહાર કરતા કહ્યું ગુજરાતનું યુવાધન બરબાદ થઈ રહ્યું છે
ગુજરાત ડ્રગ્સનું પ્રવેશ દ્વારા બની ગયું છે
ગુજરાતના દરિયામાંથી અવારનવાર નશીલા પદાર્થ ઝડપાતા હોય છે. અરબી સમુદ્ર માર્ગે નશીલા પદાર્થનો કાળો કારોબાર કરનારા સુરક્ષા એજન્સીના સકંજામાં આવી જાય છે. ત્યારે, વધુ એક વખત ડ્રગ્સનો જથ્થો ઝડપી લેવામાં ભારતીય કોસ્ટ ગાર્ડ (આઈસીજી) અને ગુજરાત એન્ટિ ટેરરિસ્ટ સ્ક્વોડ(એટીએસ)ને સફળતા મળી છે. ત્યારે ગુજરાતમાં કોંગ્રેસએ પ્રહાર કરતા કહ્યું ગુજરાતનું યુવાધન બરબાદ થઈ રહ્યું છે
ગુજરાતમાં પોરબંદરથી 190 કિલોમીટર દૂર દરિયામાં આ ઓપરેશન હાથ ધરાયું હતું. આ કાર્યવાહીમાં રૂપિયા 1800 કરોડનો 300 કિલોગ્રામ નશીલો પદાર્થ જપ્ત કરવામાં આવ્યો છે. કોસ્ટ ગાર્ડની શિપને જોઈને, પાકિસ્તાની બોટના ચાલકો ડ્રગ્સને દરિયાના પાણીમાં ફેંકીને ભાગી ગયા હતા. જે બાદ કોસ્ટ ગાડે પાણીમાંથી ડ્રગ્સનો જથ્થો બહાર કાઢ્યો હતો. આ ઓપરેશન 12-13 એપ્રિલે હાથ ધરાયું હતું. ડ્રગ્સ મોકલનારનું નામ અગાઉ પણ ATSની તપાસમાં ખુલ્યું હોવાનું જાણવા મળ્યું છે. આ અંગે માહિતી આપતા ગુજરાત ATSના DIG સુનિલ જોશીએ જણાવ્યું હતું કે, ગુજરાત ATSને એક ખાનગી બાતમીદારથી માહિતી મળી હતી કે, પાકિસ્તાનનો ફીદા નામનો ડ્રગ માફિયા 400 કિલો જેટલો ગેરકાયદેસર માદક પદાર્થ પાકિસ્તાની ફિશિંગ બોટમાં ભરી 12 એપ્રિલે સાંજે 8 વાગ્યાથી 13 એપ્રિલના સવારે 4 વાગ્યા દરમિયાન પોરબંદરના IMBL (International Maritime Boundary Line) નજીક ગુજરાતના દરિયાકાંઠે લાવવાનો છે.જ્યાંથી ચેનલ નંબર 48 પર પોતાની કોલ સાઇન ‘રમિઝ’ના નામથી તમિલનાડુની કોઈ બોટને ‘સાદિક’ના નામે બોલાવી તમામ ડ્રગ્સને તમિલનાડુ મોકલવાનો છે.
બાતમીના આધારે ATS અને ભારતીય કોસ્ટગાર્ડના ઉચ્ચ અધિકારીઓએ તુરંત જ ગંભીરતા લઈ ઓપરેશનની તૈયારી કરી ભારતની જળ સીમામાં બાતમીવાળી જગ્યાએ પહોંચી વોચમાં પહોંચી ગયા હતા. તે દરમિયાન IMBL નજીક આ બાતમીવાળી બોટ દેખાતા તેને કોસ્ટગાર્ડની શીપ દ્વારા પકડવા જતા હતા. ત્યારે બોટ પર રહેલા ઇસમોએ બ્લુ રંગના ડ્રમ્સ દરિયામાં ફેંકી દીધા તથા ઝડપથી IMBL તરફ આગળ વધવા લાગ્યા હતા. કોસ્ટગાર્ડે આ પાકિસ્તાની બોટનો પીછો કર્યો, પરંતુ આ પાકિસ્તાની બોટ IMBL ઓળંગી નાસી ગઇ હતી. જ્યારે દરિયામાં નાખેલા તમામ ડ્રમ્સ રિક્વર કરવામાં આવ્યા હતા. ત્યારે ગુજરાતમાં કોંગ્રેસએ પ્રહાર કરતા કહ્યું ગુજરાતનું યુવાધન બરબાદ થઈ રહ્યું છે અને ગુજરાત ડ્રગ્સનું પ્રવેશ દ્વારા બની ગયું છે.
ATS અને કોસ્ટ ગાર્ડ દ્વારા રીકવર કરેલા ડ્રમ્સની તપાસ કરતા તેમાં કુલ 311 પેકેટમાં આશરે 311 કિલો માદક પદાર્થ મળી આવ્યો હતો. જેની અંદાજીત આંતરરાષ્ટ્રીય બજાર કિં.રૂ. 1800 કરોડ થાય છે, જે બાબતે ગુજરાત એ.ટી.એસ. ખાતે ગુનો નોંધી આગળની કાયદેસરની કાર્યવાહી હાથ ધરી છે. ડ્રગ્સ મોકલનારનું નામ આગાઉ પણ ATSની તપાસમાં ખુલ્યું હોવાનું જાણવા મળ્યું છે. ગુજરાત ATS દ્વારા વર્ષ 2018 થી આજ દિન સુધી દરિયાઇ માર્ગે ફિશિંગ બોટ મારફતે ઘૂસણખોરી કરવામાં આવતા માદક પદાર્થો બાબતે અલગ અલગ રેડ દરમિયાન દરિયાઇ માર્ગમાંથી 77 પાકિસ્તાની, 34 ઈરાન, 2 નાઈજેરિયન સહિત 5400 કિલો ડ્રગ્સ ઝડપાયું છે જેની કિંમત 10 હજાર કરોડ જેટલી થાય છે….કૌશિક પટેલનો રિપોર્ટ હિન્દ ટીવી