સુરત પોલીસનું નો ડ્રગ્સ ઈન સુરત સીટી અભિયાન
14 લાખથી વધુની કિંમતનો 28 કિલોથી વધુ ગાંજાનો જથ્થો પકડ્યો
કતારગામ લક્ષ્મીકાંત આશ્રમ રોડ પરથી લાખોના ગાંજા સાથે પકડ્યા
સુરત પોલીસ નો ડ્રગ્સ ઈન સુરત સીટી અભિયાન ચલાવી રહી છે ત્યારે સુરત ક્રાઈમ બ્રાન્ચની ટીમે કતારગામ લક્ષ્મીકાંત આશ્રમ રોડ પરથી લાખોના ગાંજાના જત્થા સાથે ત્રણને ઝડપી પાડ્યા હતાં.
સુરત પોલીસ કમિશનર, અધિક પોલીસ કમિશનર સહિતનાઓની સુચનાને લઈ યુવાધનને નશાના રવાડે ન ચઢે તે માટે નો ડ્રગ્સ ઈન સુરત સીટી અભિયાન ચલાવી રહેલી ક્રાઈમ બ્રાન્ચની ટીમે બાતમીના આધારે કતારગામ લક્ષ્મીકાંત આશ્રમ રોડ સર્જન સોસાયટીની બાજુમાં રોડ પરથી પસાર થતા જ્યુપીટર મોપેડ પર પસાર થતા નિલેશ પરષોત્તમ દુધાત, બેચર બચુભાઈ પટેલ અને રવિ અમૃતભાઈ પરવાળીયાને ઝડપી પાડી તેઓ પાસેના થેલાની ઝડતી લેતા તેમાંથી 14 લાખથી વધુની કિંમતનો 28 કિલોથી વધુ ગાંજાનો જથ્થો મળી આવતા પોલીસે ગાંજાનો જથ્થો, મોપેડ, રોકડા રૂપિયા, મોબાઈલ સહિત 14 લાખ 80 હજારથી વધુની મત્તા કબ્જે કરી હતી.