સુરતમાં હવામાન વિભાગની આગાહી
વરસાદી સિસ્ટમથી અવિરત મેઘમહેર થઈ
ઉધના નવસારી રોડ પર પાણી ભરાતા વાહન ચાલકો હેરાન
સુરતમાં હવામાન વિભાગની આગાહીને લઈ અવિરત મેઘમહેર થઈ રહી છે ત્યારે ઉધના નવસારી રોડ પર પાણી ભરાતા વાહન ચાલકો હેરાન થયા હતાં.
સુરતમાં ચોમાસાની વિદાય વચ્ચે નવી સિસ્ટમ એક્ટીવ થતા ફરી વરસાદ પડી રહ્યો છે. હવામાન વિભાગ દ્વારા ભારે વરસાદની આગાહી કરાઈ છે. ત્યારે વહેલી સવારથી સુરતમાં પડી રહેલા અવિરત મેઘમહેરને લઈ સુરતના ઉધનામાં ઉધના નવસારી મેઈન રોડ પર ગુરૂદ્વાર પાસે રસ્તા પર પાણી ભરાઈ ગયા હતાં. રસ્તાએ જાણે નદીનુ સ્વરૂપ ધારણ કર્યુ હોય તેમ પાણીનો વહેણ પણ જોવા મળ્યો હતો જેને લઈ વાહન ચાલકોને ભારે હાલાકીનો સામનો કરવો પડ્યો હતો.