સુરતમાં સ્થાનિક પોલીસ ઉંઘતી ઝડપાય
ભેસ્તાન વિસ્તારમાંથી બિયર બાર ઝડપાયું
બારમાં દારૂ સાથે ચખનાની પણ વ્યવસ્થા કરાઈ
સુરતના ભેસ્તાન વિસ્તારમાંથી સ્ટેટ મોનિટરીંગ સેલે બાર ઝડપી પાડયું છે, જેમાં એસએમસીએ દરોડા પાડયા હતા અને બિયર બાર ઝડપાયો હતો,બાતમીના આધારે આ દરોડા પાડવામાં આવ્યા હોવાની વાત સામે આવી છે,ભેસ્તાનના જિયાવ ગામમાં આ બાર ઝડપાયો હોવાની વાત સામે આવી છે. ભેસ્તાન પોલીસ સ્ટેશનના પીઆઈ અને ડીસ્ટાફને આ વાતની નથી ખબર કે પછી વહીવટદાર વહીવટ કરતા હતા ?
SMCએ દરોડા પાડી બિયર બાર ઝડપી પાડયું છે,જેમાં ભેસ્તાનના જિયાવ ગામમાં બાર પકડાયું છે, ભેસ્તાન પોલીસની હદમાં એક સાથે બે રેડ એસએમસીએ કરી છે જેમાં ચખનાના 67 પેકેટ, 190 સોડાની બોટલ જપ્ત કરવામાં આવી છે. SMCએ 15 આરોપીની ધરપકડ કરી છે જેમાં 3 આરોપીઓ ફરાર થઈ ગયા છે, તો ત્રિમૂર્તિ ત્રણ રસ્તા પાસે રેડમાં 6 ઝડપાયા છે,તો SMCની કુલ 2 રેડમાં 21 આરોપીની ધરપકડ કરવામાં આવી છે.કુલ બે રેડમાં 6 ને વોન્ટેડ જાહેર કરવામાં આવ્યા છે.. સ્ટેટ મોનિટરીંગ સેલની ટીમ દ્વારા અવાર-નવાર સુરતમાં દારૂ અને જુગારના અડ્ડા પર રેડ પાડવામાં આવે છે. આ રેડ દરમિયાન પોલીસને બાતમી હોય છે અને સ્થાનિક પોલીસ ઉંઘતી ઝડપાય છે, સુરતમાં દારૂના અડ્ડા ધમધમે છે એ સ્ટેટ મોનિટરીંગ સેલને ગાંધીનગરથી ખબર પડે છે પરંતુ સુરતના સ્થાનિક પોલીસ સ્ટેશનના સ્ટાફને ખબર પડતી નથી, ત્યારે પોલીસ અધિકારીને પણ શરમ આવવી જોઇએ કે બહારની એજન્સી રેડ પાડે છે અને તમારી ટીમ નિષ્ક્રીય રીતે જોઈ રહે છે.