અડાજણ પોલીસે 48 લાખની ઘરફોડ ચોરીનો ભેદ ઉકેલ્યો
રીઢા ઘરફોડ ચોર દેવરાજ ઉર્ફે કાલુ પાટીલ ઝડપાયો
સહારા દરવાજા ગરનાળા પાસેથી પોલીસે આરોપીની ધરપકડ કરી
સુરતની અડાજણ પોલીસે ઘરફોડ ચોરીના ગુનાને અંજામ આપનાર રીઢા ઘરફોડ ચોરને ઝડપી પાડી તેની પાસેથી ચોરાયેલ 48 લાખની રકમ રિકવર કરી હતી.
સુરત પોલીસ કમિશનર અનુપમસિંહ ગહલોત, અધિક પોલીસ કમિશનર સહિતનાઓએ આપેલી સુચનાને લઈ પીઆઈ એનએ ચાવડાની ટીમ પીએસઆઈ એનડી પટેલના માર્ગદર્શન હેઠળ પેટ્રોલિંગમાં હતી ત્યારે બાતમીના આધારે સહારા દરવાજા ગરનાળા પાસેથી આરોપી દેવરાજ ઉર્ફે કાલુ અભિમન્યુ પાટીલને ઝડપી પાડી તેની પુછપરછ કરતા રીઢાએ જ 48 લાખની ચોરી કરી હોવાની કબુલાત કરતા તેની પાસેથી અડાજણ પોલીસે ચોરાયેલા 48 લાખ કબ્જે લઈ તેની વિરૂદ્ધ કાયદેસરની કાર્યવાહી હાથ ધરી હતી.