સુરતના ઝાંપા બજારમાં વિસ્તારમાં જર્જરિત મકાન ધરાશાયી
તૈયબી મોહલ્લામાં બુરહાની હોસ્પિટલ નજીક આવેલું જર્જરિત મકાન
કોઈ જાનહાની ન થતા હાશકારો અનુભવાયો
સુરતના ઝાંપા બજારમાં વિસ્તારમાં આવેલ તૈયબી મોહલ્લામાં બુરહાની હોસ્પિટલ નજીક આવેલું એક જર્જરિત મકાન અચાનક ધરાશાયી થતાં વિસ્તારમાં અફરાતફરી મચી ગઈ હતી. જો કે કોઈ જાનહાની ન થતા હાશકારો અનુભવાયો હતો.
સુરતના ઝાંપા બજાર વિસ્તારમાં આવેલા તૈયબી મોહલ્લામાં બુરહાની હોસ્પિટલ નજીકનું એક જૂનું અને જર્જરિત મકાન અચાનક ધરાશાયી થયું હતું. મકાન ધરાશાયી થતાં જ આસપાસના વિસ્તારમાં ધૂળના ગોટેગોટા ઉડ્યા અને સ્થાનિકોમાં ભયનો માહોલ સર્જાયો હતો. ઘટનાના પગલે લોકો દોડી આવ્યા હતાં. સદનસીબે મકાન પડવાની આ ઘટનામાં કોઈપણ પ્રકારની જાનહાનિ કે ઈજા થઈ નથી, જેના કારણે મોટી દુર્ઘટના ટળી હોવાનું માનવામાં આવી રહ્યું છે.