સુરતમાં માતા પિતા માટે લાલ બત્તી સમાન કિસ્સો
ઘર કંકાસથી કંટાળી 14 વર્ષિય કિશોરીનો આપઘાત પ્રયાસ
પોલીસે કિશોરીનુ રેસ્ક્યુ કર્યા બાદ કાઉન્સેલિંગ કર્યું
સુરતમાં માતા પિતા માટે લાલ બત્તી સમાન કિસ્સો સામે આવ્યો છે જેમાં ઘર કંકાસથી કંટાળી 14 વર્ષિય કિશોરી આપઘાત કરવા તળાવ પર પહોંચી હતી જો કે પોલીસ અને ફાયરની ટીમે સમય સુચકતા વાપરી સ્થળે દોડી જઈ કિશોરીનુ રેસ્ક્યુ કર્યુ હતું.
સુરતમાં ફરી એક ચોંકાવનારી ઘટના બનતા રહી ગઈ છે. સુરતના પુણા પોલીસ મથકની હદમાં આવેલા તળાવ પર એક 14 વર્ષીય કિશોરી આપઘાત કરવા પહોંચી હોય જેની જાણ લોકોએ પોલીસને કરતા પુણા પોલીસ અને ફાયરની ટીમ ત્વરિત સ્થળે દોડી ગઈ હતી અને તળાવ પર પડતુ મુકે તે પહેલા જ કિશોરીનુ પોલીસ અને ફાયરની ટીમે રેસ્ક્યુ કર્યુ હતું. તો કિશોરીની પુછપરછ કરતા ઘર કંકાસથી કંટાળી આપઘાત કરવા તળાવ પર પહોંચી હોવાનુ સામે આવ્યુ હતું. પોલીસે કિશોરીનુ રેસ્ક્યુ કર્યા બાદ કાઉન્સેલિંગ કર્યા બાદ પરિવારને સોંપતા લોકોએ પોલીસ અને ફાયરની ટીમનો આભાર વ્યક્ત કર્યો હતો.