સુરતમાં ચીકલીગર ગેંગનો રીઢો ચોર ઝડપાયો
બોબીસિંઘ તિલપીતીયાને પોલીસે ઝડપી પાડ્યો
ઝડપાયેલા આરોપી વિરુદ્ધ ઘરફોડ ચોરીના ગુના
સુરતની સચિન જીઆઈડીસી પોલીસે પાલ પોલીસ મથકમાં ઇકો કાર ચોરીના ગુનામાં તથા રાંદેર પોલીસ મથકના ઘરફોડ ચોરીના ૩ ગુનાઓમાં છેલ્લા ૬ મહિનાથી નાસ્તા- ફરતા ચીખલીગર ગેંગના રીઢા આરોપીને ઝડપી પાડી કાયદેસરની કાર્યવાહી હાથ છે.
આ અંગે સચિન જીઆઈડીસી પોલીસે માહિતી આપતા જણાવ્યું હતું કે , સચિન જીઆઈડીસી પોલીસની ટીમને બાતમી મળી હતી કે , સચિન જીઆઈડીસી પાલીવાલ ચાર રસ્તા પાસે પાલ પોલીસ મથકમાં ઇકો કાર ચોરીના ગુનામાં તથા રાંદેર પોલીસ મથકના ઘરફોડ ચોરીના ૩ ગુનાઓમાં છેલ્લા ૬ મહિનાથી નાસ્તા- ફરતા ચીખલીગર ગેંગનો આરોપી ઉભો છે. જેથી પોલીસે તપાસ કરી આરોપી બોબીસિંઘ ઘૂઘરૂસિંગ ઉર્ફે બચ્ચનસિંગ તિલપીતીયા ચીખલીગરને ઝડપી પાડ્યો હતો. પકડાયેલ આરોપી વિરુદ્ધ સુરતના પાલ પોલીસ મથકમાં એક ગુનો અને રાંદેર પોલીસ મથકમાં ૨ ગુના નોંધાયેલા હતા. પકડાયેલ આરોપી ગુનાહિત ઈતિહાસ ધરાવે છે. આરોપી વિરુદ્ધ પલસાણા પોલીસ મથકમાં ૨ , ડીંડોલી પોલીસ મથકમાં ૨ , ભેસ્તાન પોલીસ મથકમાં ૫ ગુના નોંધાયેલા છે.