મલ્લિકાર્જુન ખડગે ના નિવેદન સામે બારડોલી માં ભાજપ નો વિરોધ…
બારડોલી નગર ભાજપ દ્વારા પ્રતીક ઘરના કરવામાં આવ્યા…
રાજમાર્ગ પર સ્વરાજ આશ્રમ સામે ભાજપ આગેવાનો ભેગા થયાં…
ગુજરાતી ઓને અભણ કહેતા ભાજપ કાર્યકરો એ વિરોધ નોંધાવ્યો…
ખડગે ના નિવેદન સામે કોંગ્રેસ માફી માંગવા ભાજપ ની અપીલ..
ગુજરાતીઓને ‘અભણ’ કહેતા બારડોલીમાં રોષ: મલ્લિકાર્જુન ખડગેના નિવેદન સામે ભાજપના પ્રતીક ધરણા
બારડોલી: કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે દ્વારા ગુજરાતીઓ સંદર્ભે આપવામાં આવેલા વિવાદાસ્પદ નિવેદનનો રાજ્યભરમાં વિરોધ થઈ રહ્યો છે, જેના ભાગરૂપે આજે બારડોલીમાં પણ ભાજપ દ્વારા આક્રમક વિરોધ પ્રદર્શન કરવામાં આવ્યું હતું. બારડોલી નગર ભાજપના આગેવાનો અને કાર્યકરો મોટી સંખ્યામાં મુખ્ય રાજમાર્ગ પર આવેલા ઐતિહાસિક સ્વરાજ આશ્રમની સામે એકઠા થયા હતા અને અહીં પ્રતીક ધરણાનો કાર્યક્રમ યોજ્યો હતો. ભાજપના કાર્યકરોએ ભારે સૂત્રોચ્ચાર સાથે આક્ષેપ કર્યો હતો કે, મલ્લિકાર્જુન ખડગેએ ગુજરાતીઓને ‘અભણ’ કહીને સમગ્ર રાજ્યની જનતા અને તેની અસ્મિતાનું અપમાન કર્યું છે. ભાજપના હોદ્દેદારોએ આકરા પ્રહારો કરતા જણાવ્યું હતું કે કોંગ્રેસ હંમેશા ગુજરાત વિરોધી માનસિકતા ધરાવે છે અને આ અપમાનજનક નિવેદન બદલ મલ્લિકાર્જુન ખડગે તેમજ કોંગ્રેસે જાહેર માફી માંગવી જોઈએ તેવી અપીલ કરી હતી. બારડોલીની પવિત્ર ભૂમિ પરથી આ વિરોધ પ્રદર્શન દ્વારા ભાજપે પોતાનો ઉગ્ર રોષ વ્યક્ત કરી કોંગ્રેસ સામે માફીની માંગણી દોહરાવી હતી.