સુરતના પાંડેસરા-બમરોલી વિસ્તારમાં ભારે પાણી ભરાઈ ગયું
વરસાદને કારણે શ્રીરામ નગર નજીક જાહેર માર્ગ પર ભારે પાણી ભરાયું
સામાન્ય જનતાને ભારે હાલાકીનો સામનો
સુરતના પાંડેસરા-બમરોલી વિસ્તારમાં સતત વરસતા વરસાદને કારણે શ્રીરામ નગર નજીક જાહેર માર્ગ પર ભારે પાણી ભરાઈ ગયું છે. જેના કારણે રસ્તા પર અવરજવર કરતી સામાન્ય જનતાને ભારે હાલાકીનો સામનો કરવો પડી રહ્યો છે.
સુરતના પાંડેસરા-બમરોલી વિસ્તારમાં વરસાદી પાણી ભરાવાની સમસ્યાએ ફરી એકવાર સ્થાનિક તંત્રની કામગીરી પર સવાલો ઉભા કર્યા છે. શ્રીરામ નગર પાસે આવેલા જાહેર માર્ગ પર વરસાદી પાણી ભરાઈ જતાં સામાન્ય વાહન વ્યવહાર પ્રભાવિત થયો છે. ટુ-વ્હીલર ચાલકોને ખાસ કરીને ભારે મુશ્કેલીનો સામનો કરવો પડી રહ્યો છે, જ્યારે ટ્રાફિકની ગતિ પણ ધીમી પડી ગઈ છે. નીચાણવાળા વિસ્તારોમાં પાણી ભરાતા રહેણાંક વિસ્તારોમાં પણ અસર જોવા મળી રહી છે. સ્થાનિક લોકો દ્વારા તંત્રને તાત્કાલિક પાણીના નિકાલ માટે અસરકારક પગલાં લેવા માંગ કરવામાં આવી રહી છે, જેથી સ્થિતિ વધુ બગડે નહીં.