ગુજરાત કોંગ્રેસ પ્રવક્તા મનીષ દોશીએ કેન્દ્ર સરકાર પર કર્યા પ્રહાર

ગુજરાત કોંગ્રેસ પ્રવક્તા મનીષ દોશીએ કેન્દ્ર સરકાર પર કર્યા પ્રહાર
1 એપ્રિલથી મોંઘવારીના કારણે સામાન્ય જનતા પરેશાન
”કોમર્શિયલ ગેસના ભાવમાં 218 રૂપિયાનો વધારો”

એપ્રિલ મહિનો શરૂ થઈ ગયો છે, જે તેની સાથે અનેક ફેરફારો લઈને આવ્યો છે. નવા નાણાકીય વર્ષની શરૂઆત સાથે, અર્થતંત્રને મોંઘવારીનો એટલો મોટો ફટકો પડ્યો છે કે એપ્રિલના પહેલા દિવસને “મોંઘવારીનો દિવસ” કહેવામાં કદાચ ખોટુ નહીં હોય. મોંઘવારીને લઇ ગુજરાત કોંગ્રેસ પ્રવક્તા મનીષ દોશીએ કેન્દ્ર સરકાર પર પ્રહાર કર્યા છે

LPG સિલિન્ડરના ભાવમાં વધારો થયો અને હવાઇ ઇંધણના ભાવ રાતોરાત અસરકારક રીતે બમણા થઈ ગયા છે. એટલુ જ નહીં મોંઘવારીની અસર શેરબજારમાં પણ અનુભવાઈ છે, ખાસ કરીને F&O ટ્રેડિંગમાં. LPG યૂઝર્સને પહેલો ફટકો પડ્યો છે. 7 માર્ચે 14 કિલોગ્રામના ગેસ સિલિન્ડરના ભાવ સ્થિર રાખવામાં આવ્યા હોવા છતાં, ઓઇલ માર્કેટિંગ કંપનીઓએ 19 કિલોગ્રામના LPG સિલિન્ડરના ભાવમાં ભારે વધારો લાગુ કર્યો છે, ખાસ કરીને હોટેલ અને રેસ્ટોરન્ટ ઇન્ડસ્ટ્રી માટે મુસીબત છે. દેશમાં કોમર્શિયલ LPG સિલિન્ડરના ભાવમાં 1 એપ્રિલથી 218 રુપિયા સુધીનો વધારો કરવામાં આવ્યો છે. આ તાજેતરના વધારા બાદ, દિલ્હીમાં 2,078.50 રુપિયા, કોલકાતામાં 2,208 રુપિયા, મુંબઈમાં 2,031 રુપિયા અને ચેન્નાઈમાં 2,246.50 રુપિયા થઇ ગયો છે. એપ્રિલના પહેલા દિવસથી કાર ખરીદવી પણ મોંઘી થઈ ગઈ છે. અનેક કાર ઉત્પાદકોએ તેમના ભાવમાં વધારો કર્યો છે. તેમાંથી, ટાટા મોટર્સ તેના પેટ્રોલ અને ડીઝલ વાહનોના ભાવમાં આશરે 0.5% વધારો કરી રહી છે. આમ અવધતી મોંઘવારીને લઇ ગુજરાત કોંગ્રેસ પ્રવક્તા મનીષ દોશીએ કેન્દ્ર સરકાર પર પ્રહાર કર્યા છે

એપ્રિલના પહેલા દિવસે, ઘણી બેંકોએ એક પગલું ભર્યું, જેનાથી ગ્રાહકો પર વધારાનો નાણાકીય બોજ પડ્યો, જેમાં ATM ઉપાડના નિયમોમાં ફેરફાર કરવામાં આવ્યો. જો તમે UPI નો ઉપયોગ કરીને HDFC બેંકના ATM માંથી રોકડ ઉપાડો છો, તો આ ઉપાડ હવે તમારી મફત ATM ટ્રાન્ઝેક્શન મર્યાદામાં ગણવામાં આવશે – જે અગાઉની નીતિથી અલગ છે. મેટ્રોપોલિટન વિસ્તારોમાં, ગ્રાહકો HDFC ATM પર 5 મફત વ્યવહારો માટે હકદાર છે, જ્યારે અન્ય સ્થળોએ, આ મર્યાદા 3 મફત વ્યવહારો છે; આ મર્યાદાથી આગળ, દરેક અનુગામી વ્યવહાર માટે 23 રુપિયાનો ચાર્જ અને ટેક્સ લાગશે….કૌશિક પટેલનો રિપોર્ટ હિન્દ ટીવી