રાજ્યમાં આગામી 7 દિવસ મેઘરાજા બોલાવશે ભુક્કા.
ગુજરાત પર સક્રિય થઈ વરસાદી સિસ્ટમ.
20 ઓગસ્ટ સુધી ભારેથી અતિભારેની આગાહી.
આજે દક્ષિણ ગુજરાતમાં ભારે વરસાદની આગાહી.
હવામાન વિભાગ દ્વારા આગામી 7 દિવસ રાજ્યમાં વરસાદને લઈને આગાહી કરી છે. જેમાં આજે રાજ્યના કેટલાક જિલ્લાઓમાં હળવાથી મધ્યમ વરસાદની સંભાવના વ્યક્ત કરવામાં આવી છે. ઉત્તર, મધ્ય અને દક્ષિણ ગુજરાતમાં ભારેવરસાદની શક્યતા છે
હવામાન વિભાગ દ્વારા વરસાદને લઇ આગામી દિવસોમાં આગાહી કરવામાં આવી છે જેમાં રાજ્યના બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, મહીસાગર, અમદાવાદ, ખેડા, પંચમહાલ, દાહોદ, આણંદ, વડોદરા, છોટાઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ, દમણ અને દાદરા નગરહવેલીમાં છુટાછવાયા સ્થળોએ હળવી ગાજવીજ સાથે મધ્યમથી ભારે વરસાદની આગાહી કરવામાં આવી છે, રાજ્યમાં આગામી 7 દિવસ મેઘરાજા ભુક્કા બોલાવશે જેને લઇ 20 ઓગસ્ટ સુધી ભારેથી અતિભારેની આગાહી કરવામાં આવી છે મોન્સુન ટ્રફ હવે ભટિંડા, રોહતક, દિલ્હી (રિજ), હરદોઈ, બારાબંકી, દેહરી, બાંકુરા, કોન્ટાઈ અને ત્યાંથી પૂર્વ-દક્ષિણપૂર્વ તરફ બંગાળની ખાડીના ઉત્તરપૂર્વમાં પસાર થાય છે. એ સિવાય ટ્રફ લાઇન ગુજરાતથી પશ્ચિમ મધ્યપ્રદેશમાં પશ્ચિમ ઉત્તર પ્રદેશ ઉપર અપર એર સાયક્લોનિક સર્ક્યુલેશન તરફ સરેરાશ દરિયાઈ સપાટીથી 3.1 કિમી ઉપર જાય છે….કૌશિક પટેલનો રિપોર્ટ હિન્દ ટીવી