સુરતમાં ફરી ચડ્ડી બનિયાનધારી ગેંગ સક્રિય
ડુમસ ખાતે ચડ્ડીબનિયાનધારી ગેંગ સીસીટીવીમાં કેદ
ચડ્ડી બનીયાનધારી ગેંગને લઇ સ્થાનિકોમાં ડરનો માહોલ
વિડિઓમાં પાંચ જેટલા સભ્યો ફરતા નજરે પડ્યા
સુરતમાં ફરી ચડ્ડી બનિયાનધારી ગેંગ સક્રિય થઈ હોય તેમ લાગી રહ્યુ છે. સુરતના છેવાડાના કહેવાતા ડુમસ વિસ્તારમાં ચડ્ડી બનીયાનધારી ગેંગ રાત્રીના સમયે ફરતી કેમેરામાં કેદ થઈ છે જેને લઈ સ્થાનિકોમાં ડરનો માહોલ જોવા મળ્યો હતો તો નાઈટ પેટ્રોલિંગ કરતા પોલીસની કામગીરી સામે શંકાઓ ઉભી થઈ રહી છે.
સુરતમાં ગુનેગારોનો આતંક રોજેરોજ જોવા મળી રહ્યો છે. ત્યારે ચડ્ડી બનીયાનધારી ગેંગ રાત્રે ફરતી હોવાનો વિડીયો આવ્યો છે. સુરતના છેવાડાના વિસ્તાર એવા ડુમસ ખાતે ચડ્ડીબનિયાનધારી ગેંગ સીસીટીવીમાં કેદ થઈ છે. સુરતના ડુમસ ખાતે આવેલ બ્રાહ્મણ ફળિયામાં રાત્રીના સમયે ચડ્ડી બનિયાનધારી ગેંગના પાંચ જેટલા સભ્યો ફરતા નજરે પડ્યા હતાં. જે વડીયો હાલ સોશીયલ મીડિયામાં વાયરલ થઈ રહ્યા છે. ત્યારે ડુમસ વિસ્તારના લોકોમાં ચડ્ડી બનિયાનધારી ગેંગ ફરતી હોવાની વાતને લઈ ડર જોવા મળ્યો હતો. તો નાઈટ પેટ્રોલિંગ કરતી પોલીસ આ ગેંગ સામે શુ પગલા લેશે તે જોવુ રહ્યું…