મેઘરજ તાલુકામાં વોર્ડ સભ્યનું ફોર્મ રદ થયાનો મામલો
કુણોલ 1 ગ્રામપંચાયત ના વોર્ડ 8 ના સભ્યનું ફોર્મ રદ
ચૂંટણી કાર્ડ હોવા છતાં મતદાર યાદીમાં નામ ન હોવાથી ફોર્મ રદ
વહીવટી તંત્ર ની બેદરકારી ને કારણે ફોર્મ રદ થયું હોવાના આક્ષેપ
મેઘરજ તાલુકામાં ગ્રામ પંચાયતની ચૂંટણીમાં આજે ફોર્મ ચકાસવાનો દિવસ હતો અને અંતે કેટલા ફોર્મ માન્ય અને કેટલા રદ તે પણ સ્પષ્ટ થયું પરંતુ અહીં એક ઉમેદવાર ને અન્યાય થયો હોવાની ઘટના સામે આવી છે પરંતું સવાલ એ કે જવાબદાર કોણ..?
વાત છે મેઘરજ તાલુકાની કુણોલ 1 ગ્રામપંચાયતની જેમાં વોર્ડ 8 માં સભ્ય તરીકે ઉમેદવારી રાવળ નીરૂબેન રમેશભાઈ એ કરી હતી તેમની પાસે રહેઠાણ સહિત બધા જ પુરાવા હતા. ચૂંટણી કાર્ડ પણ હતું પરંતુ મતદાર યાદીમાં નામ ન હોવાથી સભ્ય તરીકે નું ફોર્મ રદ થયું હોવાનો મામલો સામે આવ્યો છે. બીજી તરફ અરજદારના પતિના જણાવ્યા અનુસાર ચુંટણી કાર્ડ અમે જ્યાં રહીએ છીએ તે જ વિસ્તારનું છે. છતાં મતદાર યાદીમાં નામ કેમ નથી તેવા સવાલો કર્યા હતા. આમ ઉમેદવાર ને ચૂંટણી કાર્ડ હોવા છતાં આજે તે સભ્યની ચૂંટણીથી વંચિત રહ્યો છે. ત્યારે સવાલો અનેક થાય છે ચૂંટણી કાર્ડ હોવા છતાં મતદાર યાદીમાં નામ કેમ નહીં…? આ બાબતે ગ્રામપંચાયતના તલાટી ને સંપર્ક કરતા તલાટી એ જણાવ્યું હતું કે મતદાર યાદી પંચાતમમાં પ્રસિદ્ધ કરાઈ હતી. પરંતુ આ બાબતે કોઈ રજૂઆત આવી નથી તેમ જણાવ્યું હતું.