દિલ્હીમાં ભારત યંગ લીડર્સ ડાયલોગમાં એનએસએ અજીત ડોવાલનું નિવેદન
દુનિયામાં આજે પણ યુદ્ધ અને સંઘર્ષ થઈ રહ્યા છે
અજીત ડોવાલે પોતાના સંબોધનમાં આઝાદી પહેલાના ભારતને કર્યું યાદ
રાષ્ટ્રીય સુરક્ષા સલાહકાર એનએસએ અજીત ડોભાલે શનિવારે કહ્યું કે યુદ્ધ રાષ્ટ્રની ઇચ્છાશક્તિ માટે લડવામાં આવે છે. તેમણે કહ્યું, ‘યુદ્ધ કોઈને મારવા અથવા દુશ્મનની લાશો જોઈને ખુશી મેળવવા માટે લડવામાં આવતા નથી. અમે સાયકોપેથ નથી જેને શબ અથવા કપાયેલા અંગો જોઈને સંતોષ કે ખુશી મળતી હોય.
અજીત ડોભાલે શનિવારે નવી દિલ્હીમાં વિકસિત ભારત યંગ લીડર્સ ડાયલોગના ઉદ્ઘાટન સમારોહ દરમિયાન યુવાનોને કહ્યું કે તમે તમારી ઇચ્છાશક્તિ વધારી શકો છો. તે જ ઇચ્છાશક્તિ રાષ્ટ્રીય શક્તિ બની જાય છે. યુદ્ધ કોઈ દેશનું મનોબળ તોડવા માટે લડવામાં આવે છે, જેથી તે આપણી શરતો પર આત્મસમર્પણ કરે અને અમે અમારા લક્ષ્યો પ્રાપ્ત કરી શકીએ. દુનિયામાં થઈ રહેલા બધા યુદ્ધ અને સંઘર્ષોને જોઈએ તો સ્પષ્ટ છે કે કેટલાક દેશો બીજાઓ પર પોતાની ઈચ્છા થોપવા માંગે છે. આ માટે પોતાની તાકાતનો પ્રયોગ કરી રહ્યા છે. જો કોઈ દેશ એટલો શક્તિશાળી હોય કે કોઈ તેનો વિરોધ ન કરી શકે, તો તે હંમેશા સ્વતંત્ર રહેશે. જો સંસાધનો અને હથિયારો હોય, પરંતુ મનોબળ ન હોય, તો બધું જ નકામું થઈ જાય છે.
આજનું સ્વતંત્ર ભારત હંમેશાથી એટલું સ્વતંત્ર નહોતું. આ માટે આપણા પૂર્વજોએ મોટા બલિદાન આપ્યા. અપમાન સહન કર્યું અને ગંભીર લાચારીના સમયગાળામાંથી પસાર થયા. ઘણા લોકોને ફાંસીનો સામનો કરવો પડ્યો. આપણા ગામો સળગાવવામાં આવ્યા. આપણી સભ્યતાને નુકસાન પહોંચાડવામાં આવ્યું. પ્રધાનમંત્રી કાર્યાલયઅનુસાર, PM નરેન્દ્ર મોદી 12 જાન્યુઆરીએ વિકસિત ભારત યંગ લીડર્સ ડાયલોગમાં દેશ અને વિદેશથી આવેલા 3,000 થી વધુ યુવાનો સાથે સંવાદ કરશે. વિકસિત ભારત યંગ લીડર્સ ડાયલોગ 2026 માટે પસંદ કરાયેલા સહભાગીઓ 10 વિષયગત ટ્રેક્સમાં પ્રધાનમંત્રી સમક્ષ તેમની અંતિમ પ્રસ્તુતિઓ આપશે…..કૌશિક પટેલનો રિપોર્ટ હિન્દ ટીવી