ઉકાઇ તાપી ખાતે પબ્લિક સ્કૂલમાં વિજ્ઞાન પ્રદર્શન

ઉકાઇ તાપી ખાતે પબ્લિક સ્કૂલમાં વિજ્ઞાન પ્રદર્શન
શાળાના વિદ્યાર્થીઓએ ઉત્સાહભેર ભાગ લીધો

ઉકાઇ તાપી ખાતે પબ્લિક સ્કૂલમાં તા. 13 ડિસેમ્બર 2025 ના રોજ ભવ્ય વિજ્ઞાન પ્રદર્શનનું આયોજન કરવામાં આવ્યું, જેમાં શાળાના વિદ્યાર્થીઓએ ઉત્સાહભેર ભાગ લીધો અને તેમની નવીન વૈજ્ઞાનિક વિચારધારા રજૂ કરી.

આ પ્રદર્શનનો મુખ્ય ઉદ્દેશ્ય યુવા પેઢીમાં વિજ્ઞાન અને ટેકનોલોજી પ્રત્યે રસ વધારવાનો અને વિદ્યાર્થીઓમાં વૈજ્ઞાનિક તથા તકનીકી સર્જનાત્મકતાને પ્રોત્સાહન આપવાનો હતો. પ્રદર્શનમાં વિદ્યાર્થીઓએ વિવિધ વિષયો પરના કાર્યકારી મોડેલ્સ અને પ્રયોગો રજૂ કર્યા હતા. વિદ્યાર્થીઓએ કૃષિ અને ખાદ્ય સુરક્ષા, ઉર્જા સંસાધનો અને સંરક્ષણ, પર્યાવરણીય મુદ્દાઓ અને ગણિત તથા રોજિંદા જીવન જેવા વિવિધ વિષયો પર આધારિત મોડેલ્સનું પ્રદર્શન કર્યું. આ પ્રદર્શન દ્વારા વિદ્યાર્થીઓએ જટિલ વૈજ્ઞાનિક સિદ્ધાંતોને સરળ અને વ્યવહારિક રીતે સમજાવવાનો પ્રયાસ કર્યો હતો. જેકે પેપર ગ્રુપના રાઘવેન્દ્ર હેબરજી અને અન્ય મુખ્ય મહેમાન ના હસ્તે પ્રદર્શનનું ઉદ્ઘાટન કરવામાં આવ્યું હતું.

એક વિશેષ નિર્ણાયક મંડળે વિદ્યાર્થીઓના પ્રોજેક્ટ્સનું મૂલ્યાંકન કર્યું અને વિજેતાઓને પ્રોત્સાહિત કર્યા હતા. આ પ્રદર્શન માત્ર વિદ્યાર્થીઓને એક મંચ પૂરું પાડે છે જ્યાં તેઓ તેમની નવીન કલ્પનાઓને વાસ્તવિકતામાં આકાર આપી શકે અને એકબીજાના અનુભવોમાંથી શીખી શકે. શાળાના આચાર્યશ્રીએ વિદ્યાર્થીઓના પ્રયાસોની પ્રશંસા કરી અને વિજ્ઞાનને જીવનના અભિન્ન અંગ તરીકે સ્વીકારવા પર ભાર મૂક્યો. આ પ્રકારના આયોજનો વિદ્યાર્થીઓને વિજ્ઞાન, ટેકનોલોજી અને સમાજ વચ્ચેના ગાઢ સંબંધ વિશે જાગૃત કરે છે. કર્યો…..