સુરતના શાહપોર વિસ્તારમાં મેટ્રોની કામગીરીમાં ફરી ભુવો
અલબેલા એપાર્ટમેન્ટને સલામતીના ભાગરૂપે ખાલી કરાવી
ફાયર સહિતનાઓ દોડતા થઈ ગયા
સુરતના શાહપોર વિસ્તારમાં મેટ્રોની કામગીરીમાં ફરી એક ભુવો મકાનની બહાર પડ્યો છે. જેને લઈ ફાયર સહિતનાઓ દોડતા થઈ ગયા હતાં.
સુરતમાં મેટ્રો ની કામગીરી ના કારણે ફરી એક વાર મકાન ની બહાર પડ્યો ભુવો પડ્યો હતો. મેટ્રો કામગીરી વચ્ચે સુરતના શાહપોર માછલીપીઠ વિસ્તારમાં ફરી અંદાજિત 22 ફૂટ ઊંડો ભુવો પડ્યો છે. જેને લઈ લોકોમાં ભયનો માહોલ જોવા મળ્યો હતો. ભુવો પડતા બાજુની અલબેલા એપાર્ટમેન્ટને સલામતીના ભાગરૂપે ખાલી કરવામાં આવી છે. હાલ આ વિસ્તારમાં લોકો જીવના જોખમે રહેવા માટે મજબૂર બન્યા છે. તો ભુવો પડતા ફાયરની ટીમ સ્થળે દોડી ગઈ હતી. આ વિસ્તારમાં એક મહિનામાં જ ત્રણ મસમોટા ભુવા પડી ચુક્યા છે જેને લઈ સ્થાનિકોમાં મેટ્રોની કામગીરી સામે રોષ જોવા મળી રહ્યો છે.