ઝાડૂના ચમત્કારી ટોટકાને અજમાવી જુઓ – થશે જરૂર ફાયદા

હિન્દુ ધર્મમાં એવું માનવામાં આવે છે કે દેવી લક્ષ્મી સાવરણીમાં રહે છે. તેથી જ સાવરણી અંગે ઘણા નિયમો છે પરંતુ સાવરણીથી ઘરની ગંદકી જ નહીં સાથે ગરીબી પણ દૂર થઈ શકે છે.
જો તમે ઘરની સફાઈ માટે નવી સાવરણી ખરીદો છો તો તરત જ જૂની સાવરણી ફેંકશો નહીં. આવું કરવાથી અશુભ થાય છે. હોલિકા દહન – અમાવસ્યા કે શનિવારે જૂની સાવરણી હંમેશા ફેંકી દેવી જોઈએ. આ સિવાય તમે ગ્રહણ પૂર્ણ થયા પછી પણ જૂની સાવરણી ફેંકી શકો છો.
એકાદશી, ગુરુવાર કે શુક્રવારે જૂની સાવરણી ક્યારેય ન ફેંકવી. કારણ કે આ દિવસો દેવી લક્ષ્મીની પૂજા સાથે સંબંધિત છે. આ દિવસોમાં ઝાડુ ફેંકવાથી માતા લક્ષ્મી ક્રોધિત થઈ શકે છે અને ઘરમાં ગરીબીનો વાસ થઈ શકે છે.
સ્વપ્ન વિજ્ઞાન અનુસાર જો તમને સપનામાં ઝાડુ દેખાય છે તો તે અશુભ માનવામાં આવે છે. આ નાણાકીય નુકસાનના સંકેતો છે.
ઝાડુની યુક્તિઓ પણ રોગને દૂર કરવામાં મદદરૂપ સાબિત થાય છે. જો કોઈ બીમાર વ્યક્તિનો રોગ લાંબા સમય સુધી ઠીક ન થતો હોય તો ગુરુવારે સવારે ઘર સાફ કરીને ગંગાજળનો છંટકાવ કરવો. તેનાથી દર્દીના સ્વાસ્થ્યને ફાયદો થાય છે..
ગુરુવારે તમારા ઘરમાં સોનાની બનેલી એક નાની સાવરણી લાવીને પૂજા સ્થાન ઉપર રાખો અને પૂજા કર્યા પછી તેને તમારી તિજોરીમાં રાખો. આનાથી તમારી તિજોરીમાં દેવી લક્ષ્મીનો વાસ થશે.
નવી સાવરણીનો ઉપયોગ કરવા માટે શનિવારનો દિવસ શુભ માનવામાં આવે છે. એટલા માટે જ્યારે પણ તમે સાવરણી ખરીદો તો તેનો ઉપયોગ શનિવારથી જ શરૂ કરવો જોઈએ. જેના કારણે ઘરમાં દેવી લક્ષ્મીની કૃપા બની રહે છે અને સુખ-સમૃદ્ધિનો વાસ થાય છે.
વાસ્તુ મુજબ સાવરણીની યોગ્ય દિશા દરિદ્રતા દૂર કરે છે તો ત્યાં જ સાવરણી સાથે જોડાયેલી ભૂલ ઘણી મુશ્કેલીઓ ઉભી કરી શકે છે. માટે સાવરણી સાથે જોડાયેલા નિયમોનું પાલન જરૂર કરવુ જોઈએ.
વાસ્તુ શાસ્ત્ર અનુસાર ઘરમાં સાવરણીને હંમેશા છુપાવીને રાખવી જોઈએ. તેના પર કોઈની નજર ન પડવી જોઈએ,
સાવરણીને હંમેશા આડી રાખવી જોઈએ. તેને ઉભી રાખવાથી ઘરમાં દરિદ્રતા આવે છે.
સાવરણી તૂટી જાય તો તેને તરત બદલી નાખો. કારણ કે ઘરમાં તૂટેલી સાવરણી રાખવાથી વાસ્તુ દોષ લાગે છે.
વાસ્તુ શાસ્ત્ર અનુસાર સાવરણીને ક્યારેય ઉત્તર-પૂર્વ દિશામાં ન રાખવી જોઈએ. સાવરણીને ઘરમાં હંમેશા દક્ષિણ દિશા અથવા પશ્ચિમ-દક્ષિણ દિશામાં રાખવી શુભ માનવામાં આવે છે.