સુરતમાં 4થી ગુજરાત સ્ટેટ બેન્ડી ચેમ્પિયનશિપ યોજાઈ
180 જેટલા ખેલાડીઓએ ઉત્સાહભેર ભાગ લીધો
સુરત, નવસારી અને વાપીના ખેલાડીઓ જોડાયા
ખેલાડીઓએ વિવિધ કેટેગરીમાં પ્રતિભા દર્શાવી
સુરતમાં 4th ગુજરાત ક્લબ એન્ડ સ્ટેટ બેન્ડી ચેમ્પિયનશિપ 2026નું ભવ્ય આયોજન કરવામાં આવ્યું હતું. મેરી માતા પબ્લિક સ્કૂલ ખાતે યોજાયેલી આ ચેમ્પિયનશિપમાં સુરત, નવસારી અને વાપી સહિતના વિસ્તારોમાંથી મોટી સંખ્યામાં ખેલાડીઓએ ભાગ લીધો હતો. સ્પર્ધામાં કુલ 180 જેટલા ખેલાડીઓએ વિવિધ કેટેગરીમાં ઉત્સાહપૂર્વક ભાગ લઈ પોતાની રમતગમતની પ્રતિભાનું પ્રદર્શન કર્યું હતું.
06 સપ્ટેમ્બર, 2026ના રોજ મેરી માતા પબ્લિક સ્કૂલ ખાતે 4th ગુજરાત ક્લબ એન્ડ સ્ટેટ બેન્ડી ચેમ્પિયનશિપ 2026નું આયોજન કરવામાં આવ્યું હતું. બેન્ડી રમતને પ્રોત્સાહન આપવા માટે યોજાયેલી આ ચેમ્પિયનશિપમાં સુરત, નવસારી અને વાપીમાંથી કુલ 180 ખેલાડીઓએ ભાગ લીધો હતો.વિવિધ કેટેગરીમાં યોજાયેલી સ્પર્ધા દરમિયાન ખેલાડીઓએ પોતાની રમતની કુશળતા, ઉત્સાહ અને પ્રતિભાનું પ્રદર્શન કર્યું હતું. સમગ્ર સ્પર્ધા દરમિયાન ખેલાડીઓમાં ભારે ઉત્સાહ જોવા મળ્યો હતો. સ્પર્ધાના કારણે યુવા ખેલાડીઓને પોતાની પ્રતિભા રજૂ કરવા માટે એક સારું પ્લેટફોર્મ પણ મળ્યું હતું.આ પ્રસંગે પ્રેસિડેન્ટ શ્રી સંજય પટેલ તથા જનરલ સેક્રેટરી શ્રીમતી કાજલ સોલંકી વિશેષ ઉપસ્થિત રહ્યા હતા. બંનેએ ખેલાડીઓનો ઉત્સાહ વધાર્યો હતો અને રમતગમત ક્ષેત્રે સતત આગળ વધવા માટે ખેલાડીઓને પ્રોત્સાહિત કર્યા હતા.આ ચેમ્પિયનશિપના આયોજનથી બેન્ડી જેવી રમતને ગુજરાતમાં વધુ પ્રોત્સાહન મળે અને યુવા ખેલાડીઓમાં રમત પ્રત્યેનો રસ વધે તેવો પ્રયાસ કરવામાં આવ્યો હતો. 180 ખેલાડીઓની ભાગીદારી સાથે યોજાયેલી આ ચેમ્પિયનશિપ રમતપ્રેમીઓ માટે પણ આકર્ષણનું કેન્દ્ર બની હતી.