સુરતના મહીધરપુરા વિસ્તારમાં દેહવ્યાપાર

સુરતના મહીધરપુરા વિસ્તારમાં દેહવ્યાપાર
ગેસ્ટ હાઉસની આડમાં ચાલતા દેહવ્યાપારના ધંધા
પોલીસે બે મહિલાઓને મુક્ત કરાવી

સુરતના મહીધરપુરા વિસ્તારમાં ગેસ્ટ હાઉસની આડમાં ચાલતા દેહવ્યાપારના ધંધા પર પોલીસે દરોડો પાડી ત્રણ આરોપીઓની ધરપકડ કરી છે. કાર્યવાહી દરમિયાન બે મહિલાઓને મુક્ત કરાવી રૂ. 29,170નો મુદ્દામાલ કબજે કરવામાં આવ્યો છે.

સુરત શહેર પોલીસ કમિશનર અનુપમસિહ ગહેલોત, અધિક પોલીસ કમિશનર મીણા, નાયબ પોલીસ કમિશનર જૈન સહિતનાઓની સૂચનાને લઈ પીઆઈ ડીયુ બારડની ટીમે સબરસ ગટરનાળા વિસ્તારમાં આવેલા સહયોગ ગેસ્ટ હાઉસ પર દરોડો પાડ્યો હતો. બાતમીના આધારે કરાયેલી કાર્યવાહીમાં ગેસ્ટ હાઉસની આડમાં દેહવ્યાપાર ચાલતો હોવાનું સામે આવ્યું હતું. પોલીસે ગેસ્ટ હાઉસના સંચાલક મહમદ કરીમ મલેક સહિત બે ગ્રાહકોની ધરપકડ કરી હતી, જ્યારે ગેસ્ટ હાઉસના માલિક અને ગ્રાહકો મોકલનાર એક શખ્સને વોન્ટેડ જાહેર કરી પોલીસે બે મહિલાઓને મુક્ત કરાવી  29 હજારથી વધુનો મુદ્દામાલ કબજે કર્યો હતો.