મોડાસાના ગારૂડીધામ ગોગા મંદિરે નાગપંચમીની ઉજવણી
મોટી સંખ્યામાં ગોગા બાપાના મંદિરે દર્શન માટે ઉમટી પડ્યા
મોડાસાના ગારૂડી ગામે આવેલા પૌરાણિક જાદેવના ગોગા મહારાજ મંદિરે આજે નાગ પંચમી નિમિત્તે ભવ્ય ઉજવણી કરાઈ હતી. આજના દિવસે અબાલ વૃદ્ધ સૌ કોઈ મોટી સંખ્યામાં ગોગા બાપાના મંદિરે દર્શન માટે ઉમટી પડ્યા હતા. ગોગા મહારાજને કેસરવાળું દૂધ અને બાજરીની કુલર ધરાવીને સૌ ભક્તો નાગ દેવતાનું પૂજન કરે છે. હજારો ભક્તો આજના દિવસે ગોગા મહારાજના દર્શન સાથે પ્રસાદ પણ ગ્રહણ કરે છે અને આખો દિવસ ગોગા મહારાજનું ભજન કીર્તન કરે છે.