સુરતના ગોડાદરા વિસ્તારમાં મોટી દુર્ઘટના ટળી
શોર્ટ સર્કિટના કારણે ટ્રાન્સફોર્મરમાં આગ
આગ પર કાબૂ મેળવી લેતા મોટી દુર્ઘટના ટળી
સુરતના ગોડાદરા વિસ્તારમાં માનસરોવર સોસાયટી પાસે શોર્ટ સર્કિટના કારણે ટ્રાન્સફોર્મરમાં આગ લાગતા અફરાતફરી મચી ગઈ હતી જોકે ફાયર બ્રિગેડે સમયસર પહોંચી આગ પર કાબૂ મેળવી લેતા મોટી દુર્ઘટના ટળી હતી.
સુરતના ગોડાદરા વિસ્તારમાં આવેલી માનસરોવર સોસાયટી નજીક શોર્ટ સર્કિટના કારણે ટ્રાન્સફોર્મરમાં અચાનક આગ ભભૂકી ઊઠી હતી. આગ લાગતા સ્થાનિકોમાં દોડધામ અને ભયનો માહોલ સર્જાયો હતો. ઘટનાની જાણ થતાં જ ફાયર બ્રિગેડની ટીમ તાત્કાલિક સ્થળ પર પહોંચી હતી અને ભારે જહેમત બાદ આગ પર સંપૂર્ણ કાબૂ મેળવ્યો હતો. ફાયર બ્રિગેડની સમયસર કામગીરીના કારણે આગ વધુ ફેલાતી અટકી હતી અને મોટી દુર્ઘટના ટળી હતી. સદનસીબે આ ઘટનામાં કોઈ જાનહાનિ કે ઇજા થઈ હોવાની માહિતી સામે આવી નથી. ઘટનાના કારણે થોડા સમય માટે વિસ્તારમાં લોકોની ભીડ પણ એકત્ર થઈ હતી.