અરવલ્લી સ્થાનિક સ્વરાજ્યની ચૂંટણીને લઈ પોલીસ એક્શનમાં

અરવલ્લી સ્થાનિક સ્વરાજ્યની ચૂંટણીને લઈ પોલીસ એક્શનમાં
શામળાજીમાં ગુજરાત-રાજસ્થાન બોર્ડર પર વાહન તપાસ
અણસોલ ચેકપોસ્ટ પર પોલીસનો ચુસ્ત બંદોબસ્ત

ગુજરાતમાં આગામી સ્થાનિક સ્વરાજની ચૂંટણીના શાંત થઇ રહ્યા છે, ત્યારે રાજ્યમાં કાયદો અને વ્યવસ્થા જળવાઈ રહે તે માટે પોલીસ તંત્ર સજ્જ બન્યું છે. શામળાજીમાં ગુજરાત-રાજસ્થાન બોર્ડર પર વાહન તપાસ શરુ કરાય

ગુજરાતમાં આગામી સ્થાનિક સ્વરાજની ચૂંટણીના પડઘમ શાંત થઇ ગયા છે, ત્યારે રાજ્યમાં કાયદો અને વ્યવસ્થા જળવાઈ રહે તે માટે પોલીસ તંત્ર સજ્જ બન્યું છે. ખાસ કરીને ગુજરાત અને રાજસ્થાનની સરહદે આવેલા અરવલ્લી જિલ્લાના શામળાજી નજીક અણસોલ ચેકપોસ્ટ પર પોલીસ દ્વારા કડક ચેકિંગ હાથ ધરવામાં આવ્યું છે. ચૂંટણીના માહોલમાં કોઈ અનિચ્છનીય ઘટના ન બને અને શાંતિપૂર્ણ માહોલમાં મતદાન પ્રક્રિયા પૂર્ણ થાય તે હેતુથી પોલીસ અત્યારથી જ એક્શન મોડમાં જોવા મળી રહી છે. સામાન્ય રીતે ચૂંટણી દરમિયાન દારૂ અને અન્ય નશીલા પદાર્થોની હેરાફેરીની શક્યતાઓ વધી જતી હોય છે. આ ‘રંગીન’ મિજાજ ધરાવતા તત્વોના મનસૂબાને નિષ્ફળ બનાવવા માટે પોલીસ પ્રશાસન એલર્ટ બન્યું છે.

સરહદ પારથી આવતા નાના-મોટા તમામ વાહનોની પોલીસ દ્વારા બારીકાઈથી તપાસ કરવામાં આવી રહી છે. ખાસ કરીને રાજસ્થાન તરફથી આવતી ખાનગી લક્ઝરી બસો, કાર અને ટ્રકોને અટકાવીને તેમાં કોઈ પ્રતિબંધિત ચીજવસ્તુઓ છે કે નહીં તેની ખાતરી કરવામાં આવી રહી છે. ચૂંટણી સમયે મતદારોને રિઝવવા માટે કોઈ માદક પદાર્થો કે કેફી પીણાં (દારૂ) નો જથ્થો ગુજરાતમાં ઘૂસાડવામાં ન આવે તે માટે પોલીસ રાત-દિવસ સતર્ક રહીને કામગીરી કરી રહી છે. ચેકપોસ્ટ પર સીસીટીવી કેમેરા અને મેટલ ડિટેક્ટરની મદદથી પણ દેખરેખ રાખવામાં આવી રહી છે. પોલીસ અધિકારીઓના જણાવ્યા મુજબ, જ્યાં સુધી ચૂંટણી પ્રક્રિયા પૂર્ણ ન થાય ત્યાં સુધી આ સરહદી ચેકિંગ ચાલુ રહેશે, જેથી રાજ્યમાં શાંતિ જળવાઈ રહે અને કોઈ પણ પ્રકારના લોભ-લાલચ વગર નિષ્પક્ષ ચૂંટણી યોજાઈ શકે….કૌશિક પટેલનો રિપોર્ટ હિન્દ ટીવી