સુરતમાં હવામાન વિભાગની આગાહીને લઈ મેઘમહેર
તમામ ઝોનમાં વરસાદ પડતા ઠંડકનો અહેસાસ
વાહન ચાલકો રેઈનકોટ પહેરી અને રાહદારીઓ છત્રીના સહારે
સુરતમાં હવામાન વિભાગની આગાહીને લઈ મેઘમહેર શરૂ થઈ ગઈ છે. સુરતના તમામ ઝોનમાં વરસાદ પડતા ઠંડકનો અહેસાસ જોવા મળ્યો છે. તો વાહન ચાલકો રેઈનકોટ પહેરી અને રાહદારીઓ છત્રીના સહારે જતા નજરે પડ્યા હતાં.
હવામાનવિભાગની આગાહીને લઈ સુરતમાં સતત વરસાદ ની બેટિંગ શરૂ થઈ ગઈ છે. સુરત મનપા ના તમામ ઝોનમાં વરસાદ પડી રહ્યો છે. સુરતના અમરોલી, વરાછા, કાપોદ્રા, અડાજણ, રાંદેર, સચિન, ચોક, નાનપુરા, અઠવાલાઈન્સ, સરથાણા વિસ્તારમાં વરસાદ પડી રહ્યો છે જેને લઈ વાહન ચાલકો રેનકોટ સાથે નીકળ્યા હતા તો કેટલાક રાહદારી નોકરિયાત વર્ગ છત્રી સાથે દેખાયા હતાં. હાલ તો વરસાદને લઈ સુરત શહેરના વાતવરણમાં ઠંડક પસરી છે સુરતમાં વહેલી સવારથી જ વરસાદ પડી રહ્યો હોય અને ભારે પવન સાથે વરસાદ વરસતા સુરતીઓને ગરમીમાં રાહત થઈ છે.