સુરત જિલ્લામાં કેસરિયો લહેરાયો ભાજપનો અજેય ગઢ અકબંધ,

સુરત જિલ્લામાં કેસરિયો લહેરાયો ભાજપનો અજેય ગઢ અકબંધ,
સ્થાનિક સ્વરાજની ચૂંટણીમાં વિપક્ષના સૂપડા સાફ

​સુરત: ગુજરાતમાં સ્થાનિક સ્વરાજની ચૂંટણીઓના આજે જાહેર થયેલા પરિણામોમાં સુરત જિલ્લામાં ભારતીય જનતા પાર્ટીએ ભવ્ય વિજય મેળવી ફરી એકવાર પોતાની પકડ સાબિત કરી છે. જિલ્લા પંચાયતથી લઈ તાલુકા પંચાયત અને નગરપાલિકા સુધીના તમામ સ્તરે ભાજપનો ભગવો લહેરાયો છે, જ્યારે વિપક્ષી છાવણીમાં સન્નાટો પ્રસરી ગયો છે.

જિલ્લા પંચાયતમાં ઐતિહાસિક દેખાવ સુરત જિલ્લા પંચાયતની કુલ 36 બેઠકોમાંથી 35 બેઠકો પર ભાજપે કબજો જમાવીને વિપક્ષને માત્ર એક બેઠક પર સીમિત કરી દીધું છે. ગ્રામીણ વિસ્તારોમાં ભાજપની આ જીત પક્ષની મજબૂત કેડર અને વિકાસલક્ષી રાજનીતિનો વિજય હોવાનું મનાઈ રહ્યું છે. ​તાલુકા પંચાયત અને નગરપાલિકાઓમાં ક્લીન સ્વીપ જિલ્લાની તમામ 11 તાલુકા પંચાયતોમાં ભાજપે બહુમતી મેળવી છે. આ ઉપરાંત જિલ્લાની તમામ નગરપાલિકાઓમાં પણ ભાજપની પેનલોનો વિજય થયો છે. ખાસ કરીને કડોદરા અને અન્ય શહેરી વિસ્તારોમાં ભાજપના ઉમેદવારોએ જંગી સરસાઈથી જીત મેળવી છે, જેના કારણે વિપક્ષી દળોના તમામ સમીકરણો નિષ્ફળ સાબિત થયા છે. કાર્યાલય ખાતે દિવાળી જેવો માહોલ આ ભવ્ય વિજયના સમાચાર મળતા જ સુરત જિલ્લા ભાજપ કાર્યાલય ખાતે મોટી સંખ્યામાં કાર્યકરો ઉમટી પડ્યા હતા. ઢોલ-નગારાના નાદ અને આતશબાજી સાથે જીતની ઉજવણી કરવામાં આવી હતી. જિલ્લા સંગઠનના હોદ્દેદારોએ એકબીજાને મીઠાઈ ખવડાવીને અભિનંદન પાઠવ્યા હતા. સંગઠનની પ્રતિક્રિયા: ‘આ જીત મતદારો અને કાર્યકરોની છે’ જિલ્લા ભાજપ પ્રમુખ અને સંગઠનના અગ્રણીઓએ આ જીત અંગે પ્રતિક્રિયા આપતા જણાવ્યું હતું કે, “આ વિજય વડાપ્રધાન નરેન્દ્ર મોદીના નેતૃત્વમાં લોકોનો અતૂટ વિશ્વાસ અને પેજ સમિતિના કાર્યકરોની રાત-દિવસની મહેનતનું પરિણામ છે. સુરત જિલ્લાની જનતાએ ફરી એકવાર સાબિત કરી દીધું છે કે તેઓ માત્ર વિકાસની રાજનીતિમાં જ વિશ્વાસ ધરાવે છે.” આ પરિણામો સાથે સુરત જિલ્લો ફરી એકવાર ભાજપ માટે સલામત ગઢ સાબિત થયો છે, જે આગામી વિધાનસભા ચૂંટણીઓ માટે પક્ષ માટે ઉત્સાહવર્ધક સંકેત છે..