બારડોલીમાં સ્વચ્છ અભિયાન મિશનના પ્રભારીની સઘન મુલાકાત,

બારડોલીમાં સ્વચ્છ અભિયાન મિશનના પ્રભારીની સઘન મુલાકાત,
સ્વચ્છ અભિયાન મિશન કામગીરીનું ઝીણવટભર્યું નિરીક્ષણ
​

રાજ્યસ્તરીય સ્વચ્છ અભિયાન મિશનના પ્રભારી શિવઓમ મિશ્રાએ તેમના રાજ્યવ્યાપી પ્રવાસના ભાગરૂપે આજે બારડોલી નગરપાલિકાની સત્તાવાર મુલાકાત લીધી હતી. આ મુલાકાતનો મુખ્ય હેતુ બારડોલી શહેરમાં સ્વચ્છ ભારત અભિયાન હેઠળ થઈ રહેલા વિકાસ કાર્યોની પ્રગતિની સમીક્ષા અને ગુણવત્તાનું પ્રત્યક્ષ નિરીક્ષણ કરવાનો હતો.
​
શ્રી શિવ ઓમ મિશ્રા જ્યારે બારડોલી નગરપાલિકા કચેરીએ પહોંચ્યા ત્યારે તેમને નગરપાલિકાના ચીફ ઓફિસર મિલન સહિત, પ્રમુખ, કારોબારી સમિતિના ચેરમેન અને અન્ય તમામ ચૂંટાયેલા સભ્યો દ્વારા આવકારવામાં આવ્યા હતા. તમામ પદાધિકારીઓ આ મિશનને સફળ બનાવવા માટે પોતાની પ્રતિબદ્ધતા દર્શાવવા માટે ઉપસ્થિત રહ્યા હતા. નિરીક્ષણ દરમિયાન, પ્રભારી શ્રી મિશ્રાએ સ્વચ્છ અભિયાન અંતર્ગત હાથ ધરવામાં આવેલી મુખ્ય કામગીરીઓની સ્થળ પર જ તપાસ કરી હતી. તેમણે ખાસ કરીને શહેરમાં નવા નિર્મિત અને જાળવણી હેઠળના રસ્તાઓની ગુણવત્તા ચકાસી હતી, જાહેર શૌચાલયની સ્વચ્છતા અને જાળવણી વ્યવસ્થાનું નિરીક્ષણ કર્યું હતું. આ ઉપરાંત તેમણે સોલિડ વેસ્ટ મેનેજમેન્ટની કરોડરજ્જુ સમાન ગણાતા જીવીપી અને કચરાના વૈજ્ઞાનિક નિકાલ માટે તૈયાર કરવામાં આવેલા પ્રોસેસિંગ પ્લાન્ટની વિસ્તૃત મુલાકાત લીધી હતી. પ્લાન્ટની કાર્યક્ષમતા અને કચરાના રિસાયક્લિંગની પ્રક્રિયા અંગે તેમણે ઊંડાણપૂર્વક માહિતી મેળવી હતી.

સમગ્ર નિરીક્ષણ બાદ, શ્રી મિશ્રાએ ચાલી રહેલા પ્રોજેક્ટ્સની પ્રગતિ અંગે સંતોષ વ્યક્ત કર્યો હતો, પરંતુ સાથે જ તેમણે કચરાના સોર્સ સેગ્રિગેશન અને નાગરિકોની ભાગીદારી વધારવા માટે જરૂરી માર્ગદર્શન અને સૂચનો પણ આપ્યા હતા. નગરપાલિકાની ટીમ દ્વારા આગામી સમયમાં આ સૂચનોનો અમલ કરવાની ખાતરી આપવામાં આવી હતી…..