સુરતમાં લૂંટ અને હત્યાના કેસનો આરોપી ઝડપાયો
પોલીસે 19 વર્ષ બાદ આરોપીને ઝડપી પાડ્યો
પોલીસે નરેશ રાવલને 19 વર્ષ બાદ ઝડપાયો
પોલીસે વેશ પલટો કરી કર્ણાટકના ઉડુપ્પીથી ઝડપી પાડ્યો
સુરતના ટોપ 16 વોન્ટેડ આરોપીઓમાં સામેલ ઉમરા પોલીસ મથકમાં હત્યા અને લુંટના ગુનામાં વોન્ટેડ 45 હજારના ઈનામી આરોપીને એસઓજીએ કર્ણાટકના ઉડુપ્પીથી ઝડપી પાડ્યો છે.
સુરત પોલીસ કમિશનર દ્વારા શહેરમાં બનેલા ગંભીર ગુનાઓમાં નાસતા ફરતા અને ઈનામી આરોપીઓને ઝડપી પાડવા આપેલી સુચનાને લઈ એસઓજીના ડીસીપી રાજદીપસિંહ નકુમના માર્ગદર્શન હેઠલ પી.આઈ. એ.પી. ચૌધરીની ટીમ પેટ્રોલિંગમાં હતી ત્યારે અ.હે.કો. રામજીભાઈને મળેલી બાતમીના આધારે સુરતના મોસ્ટ 16 વોન્ટેડ આરોપીઓમાંથી ઉમરા પોલીસ મથકમાં નોંધાયેલા હત્યા સાથે લુંટના ગંભીર ગુનામાં 19 વર્ષથી નાસતા ફરતા 45 હજારના ઈનામી આરોપી નરેશ કેસરીમલજી રાવલને કર્ણાટકના ઉડુપ્પી ખાતેથી ઝડપી પાડ્યો હતો અને તેને સુરત લાવી તેનો કબ્જો ઉમરા પોલીસને સોંપવાની તજવીજ હાથ ધરી હતી.