IIFD સુરતે ભવ્ય “Fashionate 2026” ઇવેન્ટનું આયોજન કર્યું
200 થી વધુ વિદ્યાર્થી ડિઝાઇનર્સએ ઇવેન્ટમાં ભાગ લીધો
પ્રખ્યાત ફેશન ડિઝાઇનર શાંતનુ અને નિખિલે ફેશન મંચને નવી ઊંચાઈ આપી
ઇન્ટરનેશનલ ઇન્સ્ટિટ્યૂટ ઓફ ફેશન ડિઝાઇન, સુરત દ્વારા આજ રોજ તા. 9 જૂનના રોજ સરસાણા કન્વેન્શન સેન્ટરમાં તેના વાર્ષિક ફેશન શોકેસ “ફેશોનેટ 2026″નું સફળ આયોજન કરવામાં આવ્યું હતું. આ ઇવેન્ટમાં સર્જનાત્મકતા, કલા-કૌશલ્ય, નવીનતા અને ફેશન ક્ષેત્રની શ્રેષ્ઠતાનું ભવ્ય પ્રદર્શન કરવામાં આવ્યું હતું.
IIFD સુરતની સ્થાપના વર્ષ 2014માં થઈ હતી. શરૂઆતથી જ આ સંસ્થા ગુજરાતની અગ્રણી ક્રિએટિવ એજ્યુકેશન સંસ્થાઓમાં સ્થાન પામી છે, જે ફેશન ડિઝાઇન, ઇન્ટિરિયર ડિઝાઇન અને ઇવેન્ટ મેનેજમેન્ટ ક્ષેત્રે ઉભરતા પ્રોફેશનલ્સને સતત પ્રોત્સાહન આપી રહી છે. વર્ષો દરમિયાન સંસ્થાએ નવીનતા, કલા-કૌશલ્ય અને ઉદ્યોગલક્ષી શિક્ષણની મજબૂત પરંપરા ઊભી કરી છે, જેના કારણે સર્જનાત્મકતાને પ્રોત્સાહન મળ્યું છે અને યુવા પ્રતિભાઓને પોતાની કાબેલિયત દર્શાવવા માટે ઉત્તમ મંચ મળ્યો છે. આ વર્ષે “ફેશોનેટ 2026″એ ફરી એકવાર 200થી વધુ વિદ્યાર્થી ડિઝાઇનર્સ અને 200થી વધુ ઓરિજિનલ આઉટફિટ્સને એક જ મંચ પર લાવીને નવો માપદંડ સ્થાપિત કર્યો હતો. આ ઇવેન્ટ સુરતમાં વિદ્યાર્થીઓ દ્વારા સંચાલિત સૌથી મહત્ત્વાકાંક્ષી ફેશન શોમાંથી એક તરીકે ઉભરી આવી છે.
સંસ્થાએ પોતાના ક્રિએટિવ વિઝનને વધુ વિસ્તૃત કરતા ZICA સુરતની પણ શરૂઆત કરી છે, જે એનિમેશન, વિઝ્યુઅલ ઇફેક્ટ્સ, ગ્રાફિક ડિઝાઇન, ગેમિંગ અને ડિજિટલ આર્ટ્સ જેવા ક્ષેત્રોમાં વિશ્વસ્તરીય શિક્ષણ પ્રદાન કરવા માટે કાર્યરત છે. આ વિસ્તરણ સાથે સંસ્થા ઉભરતા કલાકારો, ડિઝાઇનર્સ અને સ્ટોરીટેલર્સ માટે નવી તકો સર્જી રહી છે તેમજ સુરતના વિકસતા ક્રિએટિવ ઇકોસિસ્ટમને વધુ મજબૂત બનાવી રહી છે.