20 દિવસ અંતરિક્ષમાં રહીને પૃથ્વી પર પાછા ફર્યા શુભાંશુ
સ્પેસક્રાફ્ટનું લેન્ડિંગ કેલિફોર્નિયાના દરિયામાં થયું,
41 વર્ષ પછી કોઈ ભારતીય સ્પેસમાં ગયું હતું
શુભાંશુ શુક્લા સહિત ચાર અવકાશયાત્રીઓ 20 દિવસ અવકાશમાં વિતાવ્યા પછી પૃથ્વી પર પાછા ફર્યા છે. લગભગ 23 કલાકની મુસાફરી પછી, તેમનું ડ્રેગન અવકાશયાન બપોરે 3 વાગ્યે કેલિફોર્નિયાના સમુદ્રમાં ઉતર્યું. ચારેય અવકાશયાત્રીઓ એક દિવસ પહેલા સાંજે 4:45 વાગ્યે આઇએસએસથી પૃથ્વી માટે રવાના થયા હતા.
શુભાંશુ શુક્લા સહિત ચાર અવકાશયાત્રીઓ 20 દિવસ અવકાશમાં વિતાવ્યા પછી પૃથ્વી પર પાછા ફર્યા છે, શુભાંશુએ મિશન દરમિયાન 60 થી વધુ વૈજ્ઞાનિક પ્રયોગોમાં ભાગ લીધો હતો. આમાં ભારતના સાત પ્રયોગનો સમાવેશ થતો હતો. તેમણે અવકાશમાં મેથી અને મગના દાણા ઉગાડ્યા હતા. તેમણે ‘સ્પેસ માઇક્રોએલ્ગી’ પ્રયોગમાં પણ ભાગ લીધો હતો. શુભાંશુએ અવકાશમાં હાડકાંના સ્વાસ્થ્ય પર પણ પ્રયોગો કર્યા હતા. નાસા અને ભારતીય એજન્સી ઇસરો વચ્ચેના કરાર હેઠળ ભારતીય વાયુસેનાના ગ્રુપ કેપ્ટન શુભાંશુ શુક્લાને આ મિશન માટે પસંદ કરવામાં આવ્યા હતા. 41 વર્ષ પહેલાં ભારતના રાકેશ શર્માએ 1984માં સોવિયેત યુનિયનના અવકાશયાનમાં અવકાશની યાત્રા કરી હતી.
બધા અવકાશયાત્રીઓ 26 જૂને ભારતીય સમય મુજબ સાંજે 4:01 વાગ્યે ISS પહોંચ્યા. તેઓ 25 જૂને બપોરે 12 વાગ્યે એક્સિયમ મિશન 4 હેઠળ રવાના થયા. તેઓએ કેનેડી સ્પેસ સેન્ટરથી સ્પેસએક્સના ફાલ્કન-9 રોકેટ સાથે જોડાયેલા ડ્રેગન કેપ્સ્યુલમાં ઉડાન ભરી હતી. આંતરરાષ્ટ્રીય અવકાશ મથક એ પૃથ્વીની આસપાસ ફરતું એક મોટું અવકાશયાન છે. અવકાશયાત્રીઓ એમાં રહે છે અને સૂક્ષ્મ ગુરુત્વાકર્ષણમાં પ્રયોગો કરે છે. એ 28,000 કિલોમીટર પ્રતિ કલાકની ઝડપે મુસાફરી કરે છે. એ દર 90 મિનિટે પૃથ્વીની આસપાસ એક ભ્રમણકક્ષા પૂર્ણ કરે છે. તે 5 અવકાશ એજન્સીઓ દ્વારા એકસાથે બનાવવામાં આવ્યું છે. સ્ટેશનનો પહેલો ભાગ નવેમ્બર 1998 માં લોન્ચ કરવામાં આવ્યો હતો….કૌશિક પટેલનો રિપોર્ટ હિન્દ ટીવી