સુરતના પાંડેસરા જીઆઈડીસીમાં ખુલ્લી ગટરમાં પડી બાળકીનું મોત

સુરતના પાંડેસરા જીઆઈડીસીમાં ખુલ્લી ગટરમાં પડી બાળકીનું મોત
રાધિકા મિલમાં 8થી 9 મહિનાની બાળકી સાથે દુર્ઘટના
ખુલ્લી ગટરમાં પડી માસૂમ બાળકીનો કરુણ અંત

સુરતના પાંડેસરા જીઆઇડીસી વિસ્તારમાં રાધિકા મિલમાં ખુલ્લી ગટરમાં પડી જવાથી 8થી 9 મહિનાની બાળકીનું મોત નીપજ્યું છે. જેને લઈ પરિવારજનો પર આભ તુટી પડ્યુ હતું.

સુરતના પાંડેસરા જીઆઇડીસી વિસ્તારમાં આવેલી રાધિકા મિલમાં દુઃખદ ઘટના બની હતી. જેમાં 8થી 9 મહિનાની બાળકી ગૌરી ગોળ વિલાસનું ખુલ્લી ગટરમાં પડી જતા મોત થયું હતું. બાળકી મૂળ ઉત્તર પ્રદેશની હતી. તો બાળકી રમતી વખતે મિલમાં આવેલી ખુલ્લી ગટરમાં પડી ગઈ હતી. આ ઘટનામાં બાળકીના મોતથી પરિવાર પર આભ તૂટી પડ્યું છે અને પરિવારજનોમાં શોકની લાગણી ફેલાઈ છે. બીજી તરફ, મિલમાં ખુલ્લી ગટર હોવાને કારણે આ દુર્ઘટના બની હોવાનો આક્ષેપ પરિવારજનો દ્વારા કરાતા હાલ પોલીસે ગુનો નોંધી તપાસ હાથ ધરી છે.