સુરત ઘલુડી પોલીસ હેડ ક્વાર્ટર ખાતે વાર્ષિક ઇન્સ્પેક્શન કાર્યક્રમ

સુરત ઘલુડી પોલીસ હેડ ક્વાર્ટર ખાતે વાર્ષિક ઇન્સ્પેક્શન કાર્યક્રમ
રેન્જના આઈ.જી પ્રેમવીર સિંહ ઉપસ્થિત રહ્યા હતા
પોલીસે વિવિધ પ્રકારની મોક ડ્રિલનું જીવંત પ્રદર્શન કર્યું

સુરત જિલ્લા પોલીસ દ્વારા ઘલુડી પોલીસ હેડ ક્વાર્ટર ખાતે વાર્ષિક ઇન્સ્પેક્શન કાર્યક્રમનું આયોજન કરવામાં આવ્યું. કાર્યક્રમમાં જિલ્લા પોલીસ દ્વારા વિવિધ પ્રકારની મોક ડ્રિલનું પ્રદર્શન કરવામાં આવ્યું, જેમાં આંદોલન વિરોધી ડ્રિલ અને લૂંટ બાદ નાસી જનાર આરોપીઓ પકડવાની ડ્રિલ મુખ્ય આકર્ષણ રહી. આ સમગ્ર કાર્યક્રમમાં સુરત રેન્જના આઈ.જી પ્રેમવીર સિંહ ઉપસ્થિત રહ્યા હતા.

સુરતના ઘલુડી પોલીસ હેડક્વાર્ટર ખાતે સુરત જિલ્લા પોલીસ દ્વારા વાર્ષિક ઇન્સ્પેક્શન કાર્યક્રમ યોજાયો હતો. આ કાર્યક્રમ દરમિયાન જિલ્લા પોલીસે વિવિધ પ્રકારની મોક ડ્રિલનું જીવંત પ્રદર્શન કર્યું હતું. ડ્રિલમાં આંદોલન વિરોધી પરિસ્થિતિ, લૂંટ કરીને નાસી જનાર આરોપીઓને પકડવાની કામગીરી તેમજ યાત્રીઓની સુરક્ષિત રીતે બચાવ કામગીરી દર્શાવવામાં આવી, જેમાં કોઈ જાનહાનિ વિના મિશન સફળતાપૂર્વક પૂર્ણ કરવામાં આવ્યું. વાર્ષિક ઇન્સ્પેક્શનના ભાગરૂપે પરેડનું આયોજન કરવામાં આવ્યું હતું. આ ઉપરાંત, હોર્સ રાઇડિંગ ડ્રિલ,ડોગ સ્ક્વોડ ડ્રિલ,વેપન ડ્રિલ,મોબાઇલ ચેકપોસ્ટ ડ્રિલ અને ડ્રોન તથા વાયરલેસ ડ્રિલનું પણ પ્રદર્શન કરવામાં આવ્યું હતું.આ તમામ ડ્રિલ એસ.ઓ.જી. અને એલ.સી.બી. દ્વારા કરવામાં આવી હતી. ઘલુડી પોલીસ હેડક્વાર્ટર બેન્ડ દ્વારા પણ પોલીસ ધૂન વગાડીને ઉત્કૃષ્ટ પ્રદર્શન કરવામાં આવ્યું. ખાસ કરીને, વિરોધ પ્રદર્શન દરમિયાન ઉભી થતી પરિસ્થિતિને કાબૂમાં લેવા માટે પોલીસ દ્વારા પાણીનો મારો અને ટિયર ગેસનો ઉપયોગ કરી કેવી રીતે શાંતિ જાળવી શકાય તે દર્શાવવામાં આવ્યું. પથ્થરમારો જેવી પરિસ્થિતિમાં પણ પોલીસે સંયમ અને કાર્યક્ષમતાથી કામગીરી કરી, જે તેમની તાલીમ અને તૈયારી દર્શાવી હતી… આ વાર્ષિક ઇન્સ્પેક્શન કાર્યક્રમ દરમિયાન સુરત જિલ્લાના વિવિધ પોલીસ સ્ટેશનો તેમજ એલ.સી.બી. અને એસ.ઓ.જી.ના અધિકારીઓ અને જવાનોને તેમની પ્રશંસનીય કામગીરી બદલ માનનીય સુરત રેન્જ આઈ.જી. શ્રી પ્રેમવીર સિંહ દ્વારા પુરસ્કાર અને ગિફ્ટ આપી સન્માનિત કરવામાં આવ્યા..