કામરેજમાં બ્રાન્ડેડના નામે નકલી શેમ્પુની 4,115 બોટલ ઝડપાઈ, એકની ધરપકડ
કામરેજમાં નકલી શેમ્પૂનું ગોડાઉન ઝડપાયું, ₹49 લાખનો મુદ્દામાલ જપ્ત
કામરેજ: સુરત જિલ્લાના કામરેજ તાલુકામાં નકલી ઉત્પાદનો વેચવાનો ધંધો યથાવત છે. નવાગામ ખાતે આવેલા એક ઉદ્યોગિક વિસ્તારમાં હેડ એન્ડ શોલ્ડર્સ (Head & Shoulders) કંપનીના નામે નકલી શેમ્પૂનું ગોડાઉન ઝડપાયું છે.
પોલીસ અને હેડ એન્ડ શોલ્ડર્સ કંપનીના કર્મચારીઓએ સંયુક્ત રીતે દરોડો પાડીને મોટા જથ્થામાં નકલી શેમ્પૂનો પર્દાફાશ કર્યો. તપાસમાં જાણવા મળ્યું કે આ નકલી શેમ્પૂ બોટલોમાં ભરીને તેના પર કંપનીના જેવા જ સ્ટીકરો લગાવી દેવામાં આવતા હતા. આ નકલી શેમ્પૂ ફ્લિપકાર્ટ (Flipkart) જેવી ઓનલાઇન સાઇટ પર વેચવામાં આવતા હતા, પરંતુ માલ રદ્દ થતા તેને નવાગામના ગોડાઉનમાં સંગ્રહિત કરવામાં આવ્યો હતો. એક ભેજાબાજ યુવક આ નકલી જથ્થો હોલસેલ વેપારીઓને વેચવાની ફિરાકમાં હતો. પોલીસે આ મામલે એક યુવકની ધરપકડ કરી છે અને તેની પાસેથી ₹49 લાખનો મુદ્દામાલ જપ્ત કર્યો છે. હાલમાં, પોલીસે આ કેસમાં અન્ય કોઈ વ્યક્તિ સંડોવાયેલી છે કે નહીં તે દિશામાં તપાસ હાથ ધરી છે…