સુરતમાં આગની વધી રહેલી ઘટનાઓ વચ્ચે વેડરોડ પર પંડોળ પાસે આગ
પંડોળ પાસે ખુલ્લા પ્લોટમાં કચરાના ઢગલામાં લાગેલી ભીષણ આગ
આગ પર પાણીનો મારો કરી ભારે જહેમતે કાબુ મેળવ્યો
સુરતમાં આગની વધી રહેલી ઘટનાઓ વચ્ચે વેડરોડ પર પંડોળ પાસે ખુલ્લા પ્લોટમાં કચરાના ઢગલામાં લાગેલી ભીષણ આગને લઈ દુર દુર સુધી ધુમાડા જોવા મળતા લોકોમાં ડર દેખાયો હતો.
સુરતમાં રોજેરોજ આગના બનાવો સામે આવી રહ્યા છે. ત્યારે વેડરોડ પર ભીષણ આગની ઘટના બની હતી. વેડ રોડ પર પંડોળ પાસે ખુલ્લા પ્લોટમાં આગની ઘટના બની હતી. જ્યાં કચરાના ઢગલામાં ભીષણ આગ લાગતા ધુમાડાના ગોટેગોટા દુર દુર સુધી દેખાતા લોકોમાં ડર જોવા મળ્યો હતો. બનાવની જાણ થથા ફાયરની ટીમ ઘટના સ્થળે દોડી ગઈ હતી અને આગ પર પાણીનો મારો કરી ભારે જહેમતે કાબુ મેળવ્યો હતો.