પીએમ મોદીના 75માં જન્મદિવસે રંગીલા રાજકોટમાં 75 રંગોળી
90 થી વધુ કલાકારોએ 8 કલાકના ટૂંકા સમયગાળામાં તૈયાર કરી રંગોળી
રંગોળીમાં મોદીના રાજકીય જીવન અને દેશની નોંધપાત્ર સિદ્ધિઓ
રાજકોટમાં દેશના વડાપ્રધાન નરેન્દ્ર મોદીના 75 મા જન્મદિવસની ઉજવણી નિમિત્તે ગાંધી મ્યુઝિયમ ખાતે 75 રંગોળીઓનું એક વિશેષ પ્રદર્શન આયોજિત કરવામાં આવ્યું છે. આ અનોખા કાર્યક્રમમાં, 90 થી વધુ કલાકારો દ્વારા 8 કલાકના ટૂંકા સમયગાળામાં તૈયાર કરવામાં આવેલી આ રંગોળીઓ, મોદીના રાજકીય જીવન અને દેશની નોંધપાત્ર સિદ્ધિઓને કલાત્મક રીતે રજૂ કરે છે. આ પ્રદર્શન આજે જાહેર જનતા માટે ખુલ્લું મુકવામાં આવ્યું છે.
પ્રધાનમંત્રીના જન્મદિવસની ઉજવણી માત્ર રંગોળી પ્રદર્શન સુધી સીમિત નથી. આ દિવસની ઉજવણી વિવિધ સેવાકીય કાર્યો અને પ્રવૃત્તિઓ સાથે કરવામાં આવી રહી છે. રક્તદાન શિબિરો, વૃક્ષારોપણ, અને ગરીબોને ભોજન વિતરણ જેવા કાર્યક્રમો દ્વારા સમાજને ઉપયોગી થવાનો પ્રયાસ થઈ રહ્યો છે, જે પ્રધાનમંત્રીના “સૌનો સાથ, સૌનો વિકાસ”ના મંત્રને પ્રતિબિંબિત કરે છે. આ પ્રદર્શન રાજકોટના લોકો માટે પ્રધાનમંત્રીના વિઝન અને ઉપલબ્ધિઓને નજીકથી સમજવાની એક ઉત્તમ તક પૂરી પાડે છે. ત્યારે વધુમાં વધુ લોકોને આ પ્રદર્શન નિહાળવાની અપીલ કરવામાં આવી છે. આ પ્રદર્શનમાં પ્રધાનમંત્રી મોદીના કાર્યકાળ દરમિયાન થયેલા વિવિધ સીમાચિહ્નો અને ઉપલબ્ધિઓને રંગોળીના માધ્યમથી સુંદર રીતે દર્શાવવામાં આવ્યા છે. તેમાં “બેટી બચાવો” જેવા સામાજિક સૂત્રોથી લઈને રામ મંદિર નિર્માણ, સર્જિકલ સ્ટ્રાઈક અને વિકસિત ભારતની દ્રષ્ટિ જેવા રાષ્ટ્રીય મહત્વના મુદ્દાઓનો સમાવેશ થાય છે. આ કલાત્મક કૃતિઓ મોદીના નેતૃત્વ હેઠળ ભારતે મેળવેલી પ્રગતિ અને સિદ્ધિઓને દર્શાવવામાં આવી છે. આ રંગોળી પ્રદર્શન પ્રધાનમંત્રી મોદીના રાજકીય જીવન અને દેશના વિકાસ માટેના તેમના યોગદાનને દર્શાવે છે. 75 રંગોળીઓમાં “બેટી બચાવો” જેવા સામાજિક સૂત્રોથી લઈને રામ મંદિર નિર્માણ અને સર્જિકલ સ્ટ્રાઈક જેવી રાષ્ટ્રીય સિદ્ધિઓનો સમાવેશ થાય છે. આ પ્રદર્શન માત્ર કલાનું પ્રદર્શન નથી, પરંતુ તે રાષ્ટ્રના પરિવર્તનની ગાથા પણ રજૂ કરે છે, જે દરેક દેશવાસી માટે પ્રેરણાદાયક છે. ..કૌશિક પટેલનો રિપોર્ટ હિન્દ ટીવી